Niue
| Niuē (niueànisch) Niue (anglisch) | |||||
| Niue / Niuë | |||||
| |||||
| Amtsspraach | Niueànisch, Anglisch[1] | ||||
| Hauptstadt | Alofi | ||||
| Regierigssischtem | Pàrlàmantàrisch Syschtääm, Salbschtverwàltet Territorium ìn fräijer Àssoziiarung mìt Näiseelànd[1] | ||||
| Staatsoberhaupt | Keenig vu Näiseelànd Charles III. | ||||
| Regierigschef | Premierminìschter Dalton Tagelagi | ||||
| Flächi | 261,46[2] km² | ||||
| Iiwohnerzahl | 1784 (Zänsüs vu 2017)[3] | ||||
| Bevölkerigsdichti | 6,82 Iiwohner pro km² | ||||
Bruttoinlandsprodukt
|
2016[4]
| ||||
| Währig | Näiseelànd-Dollar (NZD) | ||||
| Gründig | 29. Septamber 1903 (aiga Territorium) | ||||
| Unabhängigkeit | 19. Oktoower 1974 (ìnnera Otonomii)[5] | ||||
| Nationalhimne | Ko E Iki He Lagi | ||||
| Nationalfiirtig | 6. Hornung (Waitangi Day, Nàzionààlfiirtig vu Näiseelànd)[1] 19. Oktoower (Verfàssungstààg)[6] | ||||
| Zitzone | UTC−11 | ||||
| Kfz-Kennzeiche | NZ | ||||
| ISO 3166 | NU, NIU, 570[7] | ||||
| Internet-TLD | .nu[1] | ||||
| Vorwahl | +683[1] | ||||
 | |||||
 | |||||
| Dialäkt: Mìlhüüserdiitsch |
Niue (ùff Anglisch 
/ˈnjuːeɪ/(info)[8] odd’r /niːˈjuːeɪ/(info), niueànisch Niuē; àlter Nàmma Savage Island, „wìlda Ìnsla“) ìsch a àbglaaganer Ìnselschtààt ìm Süüdpàzifik ìn dr Neecha vu Tonga, äbb 2.400 km nordeschtlig vu Näiseelànd. Ar lìegt süüdlig vu Samoa un wäschtlig vu da Cookìnsla.
Niue-n-ìsch äbb 261 Kwàdrààtkilomääter grooss un ìsch domìt aina vu da greeschta Korààlìnsla vu dr Walt. D’ Làndflächa vu dr Ìnsla-n-ìsch ìn zwai bemärkbààra Gebiater untertailt. S’ hoocha Gebiat bschteht üss’ra Kàlkschtai-Fàlsawànd, wo sìch vor àm See ärschträckt, mìt’ra äbb 60 Määter hoocha-n-Eewana ìm Zäntrum vum Ìnsla. S’ nììdriga Gebiat ìsch a äbb 0,5 km brait un äbb 25–27 Määter hooch kìschtlig Flàchlànd, wo fàllend verlàuift un vor àm See klaina Fàlsawand bìldet. Um d’ Ìnsla umma-n-ìsch a Koràllarìff, mìt’ma Bruch àn dr zäntrààl-wäschtliga Kìschta bii dr Hàuiptschtàdt Alofi. Ùff dr Ìnsla laawa 1.784 Iiwoohner (Schtànd: 2017), wo vor àllem Polyneesier sìnn.
Niue-n-ìsch a salbschtverwàlteter Schtààt ìn fräijer Àssoziiarung mìt Näiseelànd. D’ Ìnsla-n-ìsch Tail vum näiseelandischa Hoochhaitsgebiat. Wagadam sìnn àlla Niueàner näiseelandischa Bìrger, un dr Keenig Charles III. ìsch àls Keenig vu Näiseelànd Schtààtsowerhàuipt vu Niue. Äbb 90 Prozant vu da Niueàner laawa-n-ìm Näiseelànd, wia àui 70 Prozant vu da Reedner vu dr Niueànischa Schprooch. Niue-n-ìsch a zwaischproochig Lànd. 30 Prozant vu da Iiwoohner reeda d’ baida-n-Àmtsschproocha Niueànisch un Anglisch. 11 Prozant känna numma-n-Anglisch, un 46 Prozant numma Niueànisch.
Niue-n-ìsch kää Mìtglìed ìn da Verainta Nàzioona (UNO), àwwer d’ UN-Orgànisàzioona betràchta’ne gliich wia-n-a salbschtandiga Schtààt ìm internàzionààla Racht. Domìt ìsch Niue Mìtglìed vun ainiga UN-Sùnderorgànisàzioona, wia dr UNESCO un dr Waltgsundhaitsorgànisàzioon. Sitter 1980 ìsch Niue Mìtglìed ìn dr Pàzifischa Gmainschàft.
Untertailt ìsch Niue ìn 14 Gmainda, wo aifàch „Därfer“ haissa (villages ùff Anglisch). Ìn jeedem Dorf ìsch a Dorfroot, wo sii Vorsìtzender wählt. Jeeds Dorf ìsch àui a Wàhlbezirk mìt jewills ainem Àbgoordneter ìm Niue Fono Ekepule, dr „Niue-Versàmmlung“. Niue-n-ìsch a demokrààtischa Nàzioon; doo fìnda jeeda dräi Joohra Wàhla schtàtt.
Lìteràtüür
[ändere | Quälltäxt bearbeite]- A. H. McLintock: Niue Island. In: Ministry for Culture & Heritage (Hrsg.): An Encyclopaedia of New Zealand. Wellington 1966, ISBN 978-0-478-18451-8 (englisch, teara.govt.nz [abgerufen am 13. Dezember 2015]).
- Stephenson Percy Smith: Niue – The Island and its People. Hrsg.: The Polynesian Society. Institute of Pacific Studies, Suva 1983 (englisch, Noohdruck vum Joohr 1902/1903 vu Üniwärsitäät vum Süüdpàzifik).
- Stephen I. Levine: Niue. In: The Contemporary Pacific. Band 13, Nr. 1 (Friahjoohr), 2001, S. 239–246 (englisch).
- James P. Terry, Warwick E. Murray (Hrsg.): Niue Island. Geographical Perspectives on the Rock of Polynesia. International Scientific Council for Island Development, Paris 2004, ISBN 92-990023-0-4 (englisch).
Weblìnks
[ändere | Quälltäxt bearbeite]
Commons: Niue – Sammlig vo Multimediadateie
Wikimedia-Atlas: Niue – geographischi un historischi CharteAinzelnoohwiisa
[ändere | Quälltäxt bearbeite]- ↑ 1,0 1,1 1,2 1,3 1,4 CIA World Factbook: Niue (englisch)
- ↑ Total Land Area of Niue. In: Niue Environmental statistics. Department of Justice, Lands and Survey, archiviert vom Original am 28. November 2007; abgruefen am 28. Oktober 2017 (änglisch).
- ↑ Fanuma Sioneholo u. a.: Niue Household and Population Census 2017. Hrsg.: Statistics and Immigration office. Government of Niue – Ministry of Finance and Planning, 2019, Chapter 1: Population structure – 1.2 Population composition, S. 5, Table 1.3: Resident population and absentees by village, 2011 and 2017 (englisch, Downloadlink auf niue.prism.spc.int [PDF; 3,0 MB; abgerufen am 16. Mai 2020]).
- ↑ Niue – Trade: Recent Niue statistics. In: mfat.govt.nz. Üüssa- un Hàndelsminìschterium vu Näiseelànd, abgruefen am 14. April 2020 (änglisch).
- ↑ Niue. Chronology. In: World Statesmen.org. Ben Cahoon, abgruefen am 28. Oktober 2017 (änglisch).
- ↑ Europa Publications (Üüs.): The Europa World Year Book 2008. Routledge, London, 2008, ISBN 978-1-85743-451-4, S. 3359.
- ↑ Country Codes. In: Statoids. Gwillim Law, abgruefen am 28. Oktober 2017 (änglisch).
- ↑ Niue. In: Tony Deverson, Graeme Kennedy (Hrsg.): The New Zealand Oxford Dictionary. Oxford University Press, 2005, ISBN 978-0-19-558451-6, doi:10.1093/acref/9780195584516.001.0001 (englisch, oxfordreference.com [abgerufen am 18. Februar 2022]).
|
Dä Artikel basiert uff ere fräie Übersetzig vu dere Version vum Artikel „Niue“ vu de änglische Wikipedia. E Liste vu de Autore un Versione isch do z finde. |
Koordinate: 19° 4′ S, 169° 52′ W