Nils Althaus
Dr Nils Althaus (* 10. Mai 1981 z Bärn) isch e Schwizer Liedermacher und Schauspiiler.
Lääbe
[ändere | Quälltäxt bearbeite]Dr Althaus isch z Bärn und z Gümlige ufgwaggse. Mit säggsi het er gleert Dschello spiile. Er het a dr Uni z Züri Biochemii studiert, ir Freiziit Lieder afo schriibe und vordraage, debii het er sich sälber uf dr Gitarre begläitet. Denn isch er as Schansonniee z Bärn und z Sanggalle ufdräte und het in Wärbigsfilm mitgspiilt. Er het 2007 si ersts Muusigalbum Fuessnote mit Schansons uusegee, wo alli sächzää Lieder din läiv iigspiilt worde si.[1]
Im 2007 het er im umstrittene Kinofilm Breakout vom Reschissöör Mike Eschmann d Hauprolle gspiilt. D Swiss Films het en für daas zum Shooting Star 2007 ernennt und uf dr Berlinale eme gröössere Publikum vorgstellt.[2]
Noch em Hip-Hoper in Breakout het dr Nils Althaus witeri Rolle i Film gspiilt; under anderem e Stallbursch in Räuberinnen und e Taxifaarer in Happy New Year. Für sini schauspiilerische Läistige in Breakout und Happy new Year isch er für e Schwizer Filmbriis Quartz nominiert worde.
Im Merz 2009 het dr Althaus mit Ändlech si zwäits Brogramm as Liedermacher ufgnoo.[3]
2012 het er im Film Eine wen iig, dr Dällebach Kari s Bärner Stadtoriginal gspiilt, und zwor d Rolle vom junge Dällebach Kari.[4]
Filmografii
[ändere | Quälltäxt bearbeite]- 2007: Breakout
- 2007: Der Boden unter den Füssen (Diplomkurzfilm)
- 2007: Jimmie
- 2007: Vandalen (Diplomkurzfilm)
- 2008: Happy New Year
- 2009: Räuberinnen
- 2009: Im Sog der Nacht
- 2009: Tannöd
- 2010: Halbschlaf
- 2010: Mary & Johnny
- 2012: Eine wen iig, dr Dällebach Kari
- 2014: Pause
- 2015: Dog Men
Diskografii
[ändere | Quälltäxt bearbeite]- 2007: Fuessnote (Musigalbum)
- 2009: Ändlech (Musigalbum)
- 2016: Aussetzer (Musigalbum)
Weblink
[ändere | Quälltäxt bearbeite]- Offizielli Website
- Nils Althaus uf swissfilms.ch
- Nils Althaus bi filmportal.de
Fuessnoote
[ändere | Quälltäxt bearbeite]- ↑ Nils Althaus − Fuessnote uf hitparade.ch abgruefe am 20. Juni 2009
- ↑ Nils Althaus – Shooting Star 2007 uf swissfilms.ch abgruefe am 20. Juni 2009
- ↑ Musik uf dr Website vom Nils Althaus
- ↑ Grosser Zuspruch für Xavier Kollers «Dällebach Kari» Artiku im Tages-Anzeiger/Newsnet vom 20. Jänner 2012
|
Dä Artikel basiert uff ere fräie Übersetzig vum Artikel „Nils_Althaus“ vu de dütsche Wikipedia. E Liste vu de Autore un Versione isch do z finde. |