Eine wen iig, dr Dällebach Kari

Us der alemannische Wikipedia, der freie Dialäkt-Enzyklopedy
Filmdate
Dütsche TitelEine wen iig, dr Dällebach Kari
OriginaltitelEine wen iig, dr Dällebach Kari
ProduktionslandFlagge von SwitzerlandSwitzerland Schwiiz
OriginalsproochBärndütsch
Erschiinigsjoor2011
Lengi111 Minute
AltersfreigoobFSK -
Stab
RegieXavier Koller
DräibuechXavier Koller
ProduktionAlfi Sinniger, Catpics AG
MuusigBalz Bachmann
KameraFelix von Muralt
Bsetzig

Eine wen iig, dr Dällebach Kari isch de ofizielli Titel vom ene Film öber s Läbe vom Dällebach Kari, wo de Xavier Koller 2011 drait hät und wo am 1. März 2012 i de Schwiz is Kino cho isch.

Handlig[ändere | Quälltäxt bearbeite]

D Handlig isch em Theaterstuck «Dr Dällebach Kari» vo de Livia Anne Richard aaglehned und spannt en Boge vo de Geburt bis zum tragische Änd vom Dällebach Kari sim Läbe, wobii dä Film churz vor em Ändi ufhört. Immer wider wärded Szene vo sinere Liebesgschicht mit de Annemarie Geiser, wo us besserem Huus stammt, iibländet. Dr Kari isch i dere Zyt scho a Chräbs erchrankt. Dia Liebesbezüchig fangt ganz schüüch a, entwicklet sich langsam zu de schönste Zyt i sim Läbe, wie dä Kari spöter emol sälber sait. Doch laider wird die Liebi vo de Annemari erem Vater nöd dulded und si hüroted schlussendlich en Andere.

Draiort[ändere | Quälltäxt bearbeite]

Will de Dällebach Kari us em Bärner Mittelland stammt, i de Stadt Bärn Gwafför gsi isch und au als Stadtoriginal golte hed, spillt de Film im Bärnbiet. Vil Usseszene sind mit ordeli Ufwand i de Bärner Altstadt drait worde. Wichtigi Ort vom Gschee sind en Herresalon in ere Gass vo Bärn und d Chornhuusbrügg.

Kritike[ändere | Quälltäxt bearbeite]

„Ein anrührendes und hervorragend besetztes Liebesdrama.“

- sda

„Mit grosser ausstatterischer Sorgfalt und visuellem Esprit bereitet Koller der tragischen Liebe das Feld.“

- Basler Zeitung

Sprooch[ändere | Quälltäxt bearbeite]

De Originalton vom Film isch bärndütschi Mundart. Gwüssne Schauspiller isch es rächt guet glunge, de Dialäkt z imitiere. Em Vater Geiser (Bruno Cathomas) merkt mer allerdings a, as er ursprünglig en Bündner isch, was aber nöd unbedingt stöört. Zur Sprooch und zum Titel vom Film gits i däm Zämehang au Diskussione.[1] Je noch Quälle findt me zwei Schribwyse; uf de Website und Plakat vom Film: «Eine wen iig, dr Dällebach Kari» und uf de Internet Movie Database: «Eine win iig, dr Dällebach Kari».

Weblink[ändere | Quälltäxt bearbeite]

Fuessnote[ändere | Quälltäxt bearbeite]

  1. E Bärner win iig Sarah Pfäffli im Kulturteil vom Tagesanzeiger am 7. März 2012