Mundart-Nachwuchswettbewerb von 9−99 Jahren

Us der alemannische Wikipedia, der freie Dialäkt-Enzyklopedy

Dr Dialäktliteraturwettbewärb „Mundart-Nachwuchswettbewerb von 9-99 Jahren“ isch anne 1991/92 vu dr Muettersproch-Gsellschaft (MSG) zäme mit em „Verein für Förderung der Landeskunde an Schulen“ uusgschriibe woore.

Wettbewärb[ändere | Quälltäxt bearbeite]

Mitmache chenne hän alli Diichter*ne chenne, wu noonig in eme etablierte Verlaag publiziert ghaa hän. Dodermit het mer also dr Noowugs welle aaaspräche, glyych wie alt.

Met het bis zue drei Gediicht chenne yysände. Drei Bryys sin uusglobt woore, fir dr eerscht Bryys het s 1000 DM gee, fir dr zweet 500 DM un fir dr dritt 250 DM. Bis zum 30. Juni 1992 het mer e Saach sotte yyschicke, speeter het mer dr Yysändeschlus nomol verlengeret uf Ändi Oktoober 1992.

D Jury isch us dääne Lyt bstande:

  • Uschi Isele, Vorstand MSG
  • Rüdiger Hoffmann, MSG-Gruppe Rebland
  • Gerhard Jung, Dialäktdiichter
  • Peter Krieg, Kulturredakzioon vum SWF-Studio Fryburg
  • Thomas Senf, Chefredakter vum Region-Magazin

Mitgmacht hän insgsamt 48 Lyt, 28 Fraue un 18 Manne.

Bryysdreeger*ne[ändere | Quälltäxt bearbeite]

D Bryysverleiig isch im Friejohr 1993 z Singe am Hontes gsii, d Bryysdreeger*ne hän do iri Gediicht vordrait

Derzue het d Schuelklass 7a vu dr Realschuel Stockach deerfe chuu un iri Gediicht vordraage.

Di bremierte Gediicht un au Gediicht vu andere Dailnämer*ne, wu unter dr erschte 15 glandet sin, sin im Friesummer 1993 Heftli vu dr Muettersproch-Gsellschaft vereffetligt woore.

Literatur[ändere | Quälltäxt bearbeite]

  • Mundart-Nochwuchswettbewerb 9-99. In: Alemannisch dunkt üs guet, Heft I/II 1993, S. 2–3
  • Gwinner un anderi Teilnehmer stelle sich vor. In: Alemannisch dunkt üs guet, Heft I/II 1993, S. 7–32
  • Jetz gohts erscht recht los: Mundart-Nachwuchswettbewerb von 9-99 Jahren. In: Alemannisch dunkt üs guet, Heft I/II 1992, S. 56
  • Mundart-Nachwuchswettbewerb von 9-99 Jahren. In: Alemannisch dunkt üs guet, Heft III/IV 1991, S. 51