Klaus-Dieter Reichert

Dr Klaus-Dieter Reichert (* 20. Merz 1945 z Radolfzell) isch e dytsche Lehrer un Schriftsteller.

Lääbe

No dr Volksschuel het dr Reichert Mechaniker glehrt un derno as Naaimaschinenmechaniker un as Mechaniker fir Dateverarbaitigsmaschine gschafft. Är het iber dr Zweet Bidligwääg di Mittler Ryfi un s Fachabitur gmacht un derno vu 1974 bis 1977 an dr PH Reidlenga uf Lehramt mit Sport un Dytsch studiert. Vu 1978 bis 2005 het er as Lehrer, speter au as Konräkter un schließli as Räkter an dr Grund- und Hauptschule Steinenbronn unterrichtet. Anne 2005 isch er pänsioniert wore.

Ab 1973 het dr Reichert aafange schrybe, ab 1975 au im Dialäkt. Är schrybt Lyrik, Prosa, Dialogstuck un Churzgschichte uf Hochdytsch un uf Alemannisch. Anne 1981 het er er Uuswahl vu syne alemannische Gedicht unter em Titel „Wit it?“ publiziert, 1993 het er e zweet Buech („wunderfitz un alefanz“) vereffetligt. Fir dr „Mundart-Struwwelpeter“, wu dr Walter Sauer anne 1996 uusegee het, het dr Reichert e Ibersetzig ins Bodeseealemannisch bydrait. Derzue het er Bydreg in verschidene Anthologie un Zytschrifte publiziert.

Dr Reichert isch Mitglid im VS Bade-Wirttebäärg, in dr Muettersproch-Gsellschaft, im Verain schwäbische mund.art e. V. un in dr Mundartgesellschaft Württemberg e. V. In dr Mundartgesellschaft isch er ab Redaktionsmitglid vu dr Verainszytschrif schwädds un ab 1987 2. Vorsitzer gsii. Derzue engaschiert er si im Arbetskrais „Mundart in der Schule“ un macht Mundart-Schrybwärchstätte.

Anne 1993 het er bim Dialäktwettbewärb „Mundart-Nachwuchswettbewerb von 9−99 Jahren“ vu dr Muettersproch-Gsellschaft dr erscht Bryys gwunne.

Dr Reichert läbt z Steinenbronn. Mit syre mittlerwyli verstorbene Frau isch er emol mit em Fahrrad di ganz Panamerica-Route vu Alaska bis Panama gfahre. Anne 2017 isch er mit em Velo in 38 Däg vu Steinenbronn bis uf Moskau gfahre.

Wäärch

• Wit it? Gedichte in alemannischer Mundart. Steinenbronn, 1981 (2. Uflag: Edition Löwengasse, Radolfzell 1989)
• wunderfitz un alefanz. Edition Löwengasse, Radolfzell 1993
• De Strublpeter vum Bodensee. In: Der Mundart-Struwwelpeter. Herausgegeben von Walter Sauer. Universitätsverlag C. Winter, Heidelberg 1996
• Gedicht. In: Alemannisch dunkt üs guet. Heft I/II 1993. S. 7–10
• Stolperstein. In: Tübinger Vorlesebuch. Theiss Verlag, Stuttgart 1984
• Extra-Vagant. In: Kleines Reutlinger Lesebuch. Knödler Verlag, Reutlingen 1985

Derzue Bydreg in verschidene Anthologie un Zytschrifte.

Weblink

• dr Klaus-Dieter Reichert uf dr Websyte vu dr Muettersproch-Gsellschaft
• dr Klaus-Dieter Reichert uf autoren-bw.de
• dr Klaus-Dieter Reichert uf LEO-BW
• dr Klaus-Dieter Reichert bim Mundartsymposium Bosener Mühle (2005)
• Meister  der  Mundart, Die Oberbadische, 14. Septämber 2017