Margret Brombacher

Us der alemannische Wikipedia, der freie Dialäkt-Enzyklopedy
d Margret Brombacher anne 2007

D Margret Brombacher (* 1945 z Egrige) isch e dytschi Musikeri, Dialäktdichteri un Autori.

Läbe un Wärch[ändere | Quälltäxt bearbeite]

D Brombacher isch z Egrige uf d Wält chuu un au dert ufgwagse. Si isch ghyrote un het vier Sihn.

Syter anne 1986 dritt si as alemannischi Liedermacheri uf in dr Region Sidbade, Nordschwyz un Elsass mit aigene Lieder, wu si Gitarre derzue spilt. D Text vu ihre Lieder handle vilmol vu regionale kulturelle un historische Eraignis, vilmol hän si au zytkritischi Inhalt.

Scho anne 1987 het si erschti Ufnahme mit Lieder uf ere MC uusebrocht. Anne 1998 isch ihre fimft Album erschine, d CD Wulketraumschiff mit Chinderlieder.

In dr 1990er Johr het d Brombacher sich dernäbe au em Schrybe vu Gedicht un Prosagschichte zuegwändet. Syt 2000 widmet si sich au all meh em Dialäkttheater, schrybt Komödie fir d Egriger Theatergruppe Brombacher, wu si au sälber d Regie fiert.

Fir s Wochenblatt schrybt si ne alemannischi Kolumne.

Uuszaichnige[ändere | Quälltäxt bearbeite]

  • 1. Bryys: Wettbewerb „Europa wächst zusammen“ vu dr Landeszentrale für politische Bildung: 1992
  • Sonderbryys bim Mundart-Nachwuchswettbewerb von 9−99 Jahren: 1993
  • Grand Prix de Poesie vu dr Stadt Anzna un vum Ministère de la Culture Francaise: 1998
  • 2. Bryys Wettbewärb „Literatur“ vu dr Akademie Ländlicher Raum un vum Staatsanzeiger Baden-Württemberg mit dr Churzgschicht: 1999
  • „Alemannischer Poesie-Preis“ vu dr Stadt Nei-Brisach un em Cahiers du Rhin (Elsass): 2003
  • 3. Bryys: Wettbewärb „Literatur“ vu dr Akademie Ländlicher Raum un vum Staatsanzeiger Baden-Württemberg mit dr Churzgschicht: „Der Weg jener, die nach ihnen kamen“: 2007

Musikalischi Vereffetlichunge[ändere | Quälltäxt bearbeite]

  • 1987 Alemannische Lieder (MC)
  • 1989 Grad use (MC)
  • 1995 Zeig mir Blueme (CD un MC)
  • 1996 Schmetterling (CD)
  • 1998 Wulketraumschiff (CD)

Literarischi Vereffetlichunge[ändere | Quälltäxt bearbeite]

  • Episoden, in: So herrlich blau der Berge Saum. Neue Geschichten und Gedichte aus Baden-Württemberg. Hrsg. vom Staatsanzeiger für Baden-Württemberg GmbH und der Akademie Ländlicher Raum, Theiss-Verlag, Stuttgart 1999, ISBN 3806213984.
  • Gedankensprünge. Vo mir zue dir. Theiss-Verlag, Stuttgart 2000, ISBN 3806214867.
  • Der Weg jener, die nach ihnen kamen, in: Wege auf dem Land. Hrsg. vom Staatsanzeiger Baden-Württemberg GmbH und der Akademie Ländlicher Raum, Silberburg-Verlag, Tübingen 2007.
  • Das Märchen vom Goldenen Faden. Books on demand, 2013

Weblink[ändere | Quälltäxt bearbeite]