Falkebärg / Montfaucon JU

Us der alemannische Wikipedia, der freie Dialäkt-Enzyklopedy
S JU im Lemma isch s offiziell Chürzel vom Kanton Jura und wird bruucht, zum Verwächslige mit Yträäg vom Name Montfaucon vermyde, wo öppis anders meined.
Falkebärg (Montfaucon)
Wappe vo Falkebärg (Montfaucon)
Wappe vo Falkebärg (Montfaucon)
Basisdate
Staat: Schwiiz
Kanton: Jura (JU)
Bezirk: Freibärgew
BFS-Nr.: 6751i1f3f4
Poschtleitzahl: 2875
Koordinate: 570705 / 237011Koordinate: 47° 17′ 0″ N, 7° 3′ 5″ O; CH1903: 570705 / 237011
Höchi: 996 m ü. M.
Flächi: 18.27 km²
Iiwohner: 564 (31. Dezämber 2021)[1]
Website: www.montfaucon.ch
s Dorf uf ere Chetti vom Jura
s Dorf uf ere Chetti vom Jura

s Dorf uf ere Chetti vom Jura

Charte
Charte vo Falkebärg (Montfaucon)BielerseeÉtang de la GruèreFrankriichKanton BärnKanton NeueburgKanton NeueburgBezirk PruntrutBezirk DelschbärgLa Chaux-des-BreuleuxLajoux JULe BémontLe NoirmontLes BoisLes BreuleuxLes EnfersLes EnfersLes GenevezMontfaucon JUMuriauxMuriauxSaignelégierSaint-BraisSaint-BraisSoubey
Charte vo Falkebärg (Montfaucon)
w

Falkebärg (franzöösisch Montfaucon) isch e Gmeind im Schwiizer Kanton Jura. D Gmeind ghert zum Bezirk Freibärge.

Geografii[ändere | Quälltäxt bearbeite]

Falkebärg liit uf ere Hechi vu 996 m ü. M. und 5 km nordöschtlech vum Bezirkshauptort Saignelégier (Luftlinie). S Dorf isch uf ere Hochebeni vu de Freibärge im Jura, südlech vum tüüf iigschnittene Tal vum Doubs.

Zu Falkebärg ghört de gliichnamig Ort, s Dorf Montfavergier ganz im Nordoschte, d Sidlig Les Sairains a de Hoptstrooss, wo vo Glovelier unen ufe chunnt, und de Wiiler Pré-Petitjean i de Sänki südlech vum Dorf bim Baanhoof und es paar einzelni Puurehööf.

D Nochbergmeinde sind Hübschebärg, Les Enfers, Soubey, Clos du Doubs, Sankt Brix, Lajoux und Les Genevez im Kanton Jura und Tramlige im Kanton Bärn.

Bevölkerig[ändere | Quälltäxt bearbeite]

D Gmeind het 564 Iiwohner (Stand 31. Dezember 2021) und isch dodermit eini vu de chliinere Gmeind vum Kanton Jura. Vu de Bewohner sind 91,8 % franzesischsproochig, 7,2 % dütschsproochig und 0,4 % schpanischsproochig (Stand 2000).

Wirtschaft[ändere | Quälltäxt bearbeite]

D Gmeind isch vorwiegend landwirtschaftlech prägt mit Milchwirtschaft und Viizucht. Wiiteri Arbeitsplätz gits i de Beriiche vu de Mechanik und Uureherställig. Ane 1968 isch bi Falkebärg es Feriedorf vu de Schwiizer Räisekasse (Reka) erstellt worde, wo de Region Freibärge zum ene wesetliche touristische Entwickligsschub verholfe hät. Vil Erwerbstätegi sind ou Wägpändler.

d Chiuche Saint-Jean Baptiste

Gschicht[ändere | Quälltäxt bearbeite]

Di erscht Nennig vu Falkebärg isch us em Joor 1139, wo in ere Urkund vum Papscht Innozenz II. de Ort als Mons Falconis gnennt wird. S het zur Herrschaft Freibärge ghert, wo em Fürschtbistum Basel understande isch. I de Joor 1793 bis 1815 het d Gmeind zu Frankriich ghert, zerscht zum Departemänt Mont-Terrible, denn ab 1800 zum Departemänt Haut-Rhin, em Oberelsass. De Wiener Kongress het im 1815 entschide, dass de Ort zum Kanton Bärn chunnt. Sit de Gründig vum Kanton Jura uf de 1. Jänner 1979 ghert d Gmeind zu dem Kanton.

D Chiuche Saint-Jean Baptiste isch ane 1831 bout worde.

Uf de 1. Jänner 2009 isch di nordöschtlich Nochbergmeind Montfavergier per Fusion zue Falkebärg chuu.

Weblingg[ändere | Quälltäxt bearbeite]

 Commons: Falkebärg – Sammlig vo Multimediadateie

Fuessnote[ändere | Quälltäxt bearbeite]

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023