Haute-Sorne

Haute-Sorne
	Wappe vo Haute-Sorne
Basisdate
Staat:	Schwiiz
Kanton:	Jura (JU)
Bezirk:	Delémont
BFS-Nr.:	6729
Poschtleitzahl:	2853 Courfaivre; 2854 Bassecourt; 2855 Glovelier; 2863 Undervelier; 2864 Soulce
Koordinate:	585430 / 243133Koordinate: 47° 20′ 20″ N, 7° 14′ 45″ O; CH1903: 585430 / 243133
Höchi:	477 m ü. M.
Flächi:	71.06 km²
Iiwohner:	7319 (31. Dezämber 2022)
Website:	www.haute-sorne.ch
	d Sorne z Bassecourt d Sorne z Bassecourt
Charte
	Charte vo Haute-Sorne

Haute-Sorne isch e Gmeind im Bezirk Dälschbrg vom Kanton Jura i dr Schwiiz. Si isch, was d Flechi vom Gmeindbann agoot, di gröschti Gmeind vom Kanton Jura. Am 1. Jänner 2013 isch si ganz nöi entstande, wil di früenere Gmeinde Bassecourt, Courfaivre, Glovelier, Soulce und Undervelier am 5. Februar 2012 pschlosse gha hend, zäme e einzegi und grösseri Gmeind z bilde. Di beide Nochbergmeinde Boécourt und Saulcy hend d Gmeindfusioon abgläänt.

Geografii

Di grosse Dörfer ligge im Taal vo dr Sorne, däm Fluss, wo us de Juratääler bi Undervelier dur ne grossi Chluus chunt und bi Dälschbrg i d Birs flüsst. Zu dr Gmeind ghöre au no di chlinere Sidlige Berlincourt und Pré Borbet und Alpsidlige uf de Bärge.

Im Taal göö d Autobaan Transjurane und d Ysebaanlinie vo Dälschbrg uf Pruntrut noch bi de Dörfer dure. Si füere beidi je im ene Dunel dure Mont Russelin vo Glovelier uf Saint-Ursanne i dr Gmeind Clos du Doubs im Bezirk Pruntrut.

Im Weschte vo Glovelier pildet s Taal vom Bach Le Tabeillon uf em Biet vo dr Gmeind Haute-Sorne en ängi Schlucht, und i dere mues d Ysebaanlinie uf Saignelégier e Schpizcheeri mache, zum uf s Platoo vo de Freibärge ufe z cho.