Mockemalör

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Mockemalör
Mockemalör uf em Zält-Musik-Feschtival z Friburg
Mockemalör uf em Zält-Musik-Feschtival z Friburg
Allgmeini Informatione
Genre Elektro-Chanson/ Traumwandler-Punkeresk
Gründig 2012
Website http://www.mockemaloer.de/
Gründungsmitglider
Magdalena Ganter
Martin Bach
Simon Steger
Aktuelli Bsetzig
Magdalena Ganter
Martin Bach
Simon Steger
Ehmaligi Mitglider
Charis Karantzas

Mockemalör isch e dytschi Band. Uf ihre erschte CD sin d Text vun ene in ere Mischig us Hochdytsch un Schwarzwälder Alemannisch gsii, syt em zwaite Album sin si uf Hochdytsch, ihri Musik isch „Alemannische Elektroindi“, e Art Elektro-Pop mit Indi-Elemänt.

Bandmitglider sin d Sängeri Magdalena Ganter, dr Keyboarder Simon Steger, dr Schlagzyger Martin Bach un dr Gitarrischt Charis Karantzas. Dr Name Mockemalör isch e Wortneischepfig us alem. Mocke un frz. Malheur un maint e „e schen Missgschick“.

Bandgschicht[ändere | Quälltäxt bearbeite]

D Magdalena Ganter (* 1986) isch z Hinterzarten ufgwachse un het vu 1992 bis 2002 Unterricht in klassischem Ballett un vu 1998 bis 2006 in Jazzdance-Moderndance ghaa. Noch em Abitur anne 2005 am Kraisgymnasium Neistadt isch si im Johr 2006 uf Berlin un het dert an dr Universitet vu dr Chinscht Danz, Gsang un Schauspiil studiert. Ihre Diplomabschluss het si anne 2010 gmacht. Syt 2008 het si bi verschidene Musiktheater- un Theaterprojäkt mitgmacht, unter anderem as Bronislawa in „Der Bettelstudent“, as Nina in „Besser ist besser“, al Lisa in „Leben ohne Chris“, as Solischti in „Songs for one world“, as Katie in „Woodstock – beautiful people“, as Mrs. Butterfly in „Changemakers“, as Suri in „20000 Meilen unter dem Meer“, as Kitkatgirl in „Cabaret“. Anne 2007 isch si im Finale vum 36. Bundeswettbewärb Gsang/Musical/Chanson gsii.

Dr Martin Bach het am Konservatorium Minche Jazz-Schlagzyg studiert un isch derno 2004 uf Berlin gange, wun er bim Dirk Erchinger wyter studiert het. 2006 het er dr Popkurs an dr Hochschuel fir Musik z Hamburg absolviert. Näbe Mockemalör spiilt er au Schlagzyg in unterschidlige Bandprojäkt.

Dr Simon Steger het z Berlin an dr Universitet vu dr Chinscht Tonmaischter studiert. Är komponiert un spiilt fir verschideni Musik- un Musiktheaterprojäkt.

E Zytlang het au dr Charis Karantzas mitgspiilt, wu z Athen uf d Wält chuu un ufgwachse isch. Mit 18 isch er uf Amsterdam gange go Jazzgitarre am Conservatory Amsterdam studiere. Zwai Johr speter isch er uf Berlin gange un het dert am Jazzinschtitut wyter studiert. Näbe Mockemalör spiilt er unter anderem au in dr Band K Square.

Bi me Theaterprojäkt im Friejohr 2008 het d Ganter dr Bach un dr Steger chänneglehrt un si hän derno als mitenander Jamsessions gmacht. Fir ihri Diplominszenierig im Mai 2010 het d Ganter e Stuck gschribe, wu au alemannischi Szene din vorchuu sin un wu dr Bach un dr Steger mitgwirkt hän. Speter isch no dr Karantzas zue dr Band chuu.

Im Juni 2014 het Mockemalör mit em Leid Wona dr „Schnabl“ bim 13. mundARTpop/rock-Wettbewerb vum ORF Vorarlberg gwunne. Bim Gerhard-Jung-Wettbewerb 2015 het d Magdalena Ganter mit Mockemalör dr erscht Bryys in dr Kategory „Lied“ gwunne.

Anne 2016 isch s zwait Album Riesen uusechuu, d Täxt druf sin uf Hochdytsch. Uf d Frog, wurum si nimi uf Alemannisch singe diei, het d Ganter im e Interview mit dr Badische Zytig gsait[1]:

„Auf der ersten Platte hat der Dialekt für mich Sinn ergeben, denn das war die Auseinandersetzung mit den eigenen Wurzeln. Es war ein Stück Erwachsenwerden und die Besinnung auf die Herkunft, auch eine Art Verschlüsselung, da ich über die Region hinaus nicht verstanden wurde. Ein Schutz, ich konnte mich ausdrücken und doch für mich bleiben. Aber die nächste Stufe war: Hey, ich habe Lust verstanden zu werden und ich brauche mich nicht mehr verstecken. Denn jetzt fühle ich mich in Berlin angekommen, hier denke und schreibe ich auf Hochdeutsch. Es wäre ein Umweg, alles wieder ins Alemannische zu verpacken.“

Magdalena Ganter, Badischi Zytig, 19. Augschte 2016

Diskografi[ändere | Quälltäxt bearbeite]

  • Mockemalör, Mini-CD mit vier Stuck, 2012
  • Schwarzer Wald, Oktober 2013
  • Riesen, Jazzhaus Records, 2016

Weblink[ändere | Quälltäxt bearbeite]

 Commons: Mockemalör – Sammlig vo Multimediadateie

Fueßnote[ändere | Quälltäxt bearbeite]

  1. Interview mit Magdalena Ganter von Mockemalör, Badischi Zytig, 19.08.2016