Keyboard
| Kiibord | |
|---|---|
| engl.: electronic keyboard | |
 | |
| Klassifikation | Elektrofoon Dasteinstrumänt |
| Doonbischbil | |
| Verwandti Instrumänt | Klavier, E-Orgel |
E Kiibord (ängl. Electronic Keyboard) (vo ängl. keyboard [ˈkiːbɔːd]: Dastatur) im witere Sinn isch en elektrofons Dasteinstrumänt, wo sich us de elektronische Piano und Orgle entwigglet het und wo d Döön von em elektro-mechanisch, elektronisch oder digital erzügt und versterkt wärde.
Im ängere Sinn bezäichnet Kiibord nume sälli Instrumänt, wo tüpischerwiis mee as 61 Daste häi, wo vo dr Orgle-Klaviatur abgläitet si, und s charakteristische Merkmol von ere Begläitautomatik, d Arranger Keyboards. Dene, wo das Instrumänt spiile, säit mä hüfig "Elläiunderhalter" (oder öifemistisch "Entertainer").
Wil mä wäge dr historische Entwigglig nid genauer zwüschen em Kiibord und de elektronische Piano, Synthesizer oder Häimorgle im Bezug druf, wie dr Doon erzügt oder wie s Instrumänt usgstattet isch, cha underschäide, brucht mä dr Begriff hüte mäistens im ängere Sinn, aber Kiibord wird mänggisch au für Masterkeyboard und allgemäin für alli elektronische Dasteninstrumänt as Anglizismus in sinere ursprünglige Bedütig verwändet. In de Bezäichnige vo de Instrumentaliste von ere Bänd stoot "Keyboarder" für alli, won e Dasteinstrumänt spiile, wo kä Klavier oder Flügel isch.
D Kiibord im ängere Sinn si, wil iiri Dastatur im Vergliich zum ene E-Piano weniger umfangriich und liichter isch, im Ganze chliiner und liichter, so dass mä sä cha umedrääge und vo do isch dr änglisch Begriff Portable Keyboard (dragbari Dastatur) cho. Wil mäistens mit Begläitautomatik gspiilt wird, si s Spiilkonzept und d Dastatur anders als bim ene Klavier, au eme elektronische.
Litratuur
[ändere | Quälltäxt bearbeite]- Peter Gorges, Alex Merck: Keyboards, MIDI, Homerecording. 5. Auflage. Carstensen, Münche 2003, ISBN 3-910-09826-6.
- Wolfgang Fiedler: Die AMA-Keyboard-Grifftabelle. Ama, Brühl bi Köln 1994, ISBN 3-927-19030-6.
- Frank Spannaus: Modern Keyboard. Voggenreiter, Bonn 2004, ISBN 3-802-40418-1.
- Christoph Klüh: Mehr Spaß mit Tasten. PPV-Medien, Bärgkirche 2001, ISBN 3-932-27528-4.
- Reinhold Pöhnl: Styles & Patterns. PPV-Medien, Bärgkirche 2003, ISBN 3-932-27560-8.
- E. Gehrer, Synthesizer Workstation Pro, Franzis Verlag, Münche, ISBN 978-3-645-70094-8.
Weblingg
[ändere | Quälltäxt bearbeite]
|
Dä Artikel basiert uff ere fräie Übersetzig vum Artikel „Keyboard“ vu de dütsche Wikipedia. E Liste vu de Autore un Versione isch do z finde. |