Mir sueche die Beschde

Mir sueche die Beschde isch dr Titel vun eme Dialäktwettbewäärb gsii, wu 2004/05 vu dr Muettersproch-Gsellschaft zäme mit em SWR un dr Badische Zytig veraastaltet wooren isch.

Wettbewäärb

Uusgschriibe woore isch dr Wettbewäärb im Spotsummer 2004, Yysändeschluss isch dr 16. Novämber 2004 gsii. Mitmache chenne het mer mit Gedicht oder Prosatäxt in eme alemannische Dialäkt us em Badische. S het nit solle mee syy wie 2 DIN A4-Syte un mer het d Täxt solle anonym mit eme Passwort yygee. Bryys het s gee fir Lyrik un Prosa. Mer het chenne entwäder bis zue drei Gedicht oder zwee Prosatäxt yygee, oder aber au baides. Verbunde mit em Bryys isch e Bryysgäld gsii in Heechi vu 1000 € fir dr eerscht Blatz, 750 € fir dr zweet Blatz un 250 € fir dr dritt Blatz.

Uusgweelt woore sin di bremierte Täxt vun ere fimfchepfige Jury, wu d Inge Tenz un dr Klaus Poppen vu dr Muettersproch-Gsellschaft, d Regina Keller vum SWR, dr Wulf Rüskamp vu dr Badische Zytig, dr Rudolf Post vum Badische Werterbuech derzue ghert hän. D Bryysverleiig isch derno am 13. Jänner 2005 im Gebei vum SWR z Fryyburg gsii.

Noch em Wettbewärb isch e Uuswahl us dr Byydreeg, wu yygschicht wore sin, unter em Titel Alemannisch dichte as Anthology uusechuu.

Bryysdreeger*ne

Yygschickt wore sin 288 Täxt.

Prosa

1. Blatz: Ulrike Derndinger
2. Blatz: Brigitte Neidig
3. Blatz: Carolyn Oesterle

Lyrik

1. Blatz: Carola Horstmann
2. Blatz: Emil Mundhaas
3. Blatz: Elisabeth Jungermann

Literatur

Klaus Poppen: De Mundartwettbewerb 2. Teil. S isch alles beschtens gloffe – aber nit vo ellai. In: Alemannische dunkt üs guet, Heft I/II 2005, S. 54−56
Klaus Poppen: De Dichterwettbewerb: e Rieseerfolg un wie s dezue ko isch. In: Alemannische dunkt üs guet, Heft III/IV 2004, S. 55−56
Di bremierte Täxt sin abdruckt in Alemannische dunkt üs guet, Heft I/II 2005, S. 58−65
Alemannisch dichte. Redaktion: Thomas Hauser. Rombach, Freiburg i. Br. 2005. ISBN 3-7930-5003-3 (Kleine Freiburg-Reihe 5)