Michelle Gisin

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Michelle Gisin Ski Alpin
Nation SchweizSchweiz Schwiz
Geburtstag 5. Dezämber 1993
Geburtsort Schwyz
Größi 173 cm
Gwicht 65 kg
Karriere
Disziplin Slalom, Riiseslalom
Verein SC Engelberg
Status aktiv
Medallienspiegel
Olympische Medaillen 1 × Gold 0 × Silber 0 × Bronze
Wältmaisterschafte 0 × Gold 1 × Silber 0 × Bronze
Juniore-WM 0 × Gold 1 × Silber 0 × Bronze
Alpini Ski-WM

Silber St. Moritz 2017 Kombination
Alpini Ski-JWM

Silber Québec 2013 Slalom
Platzierige im alpine Skiwältcup
 Debüt im Wältcup 29. Dezämber 2012
 Gsamtwältcup 27.
 Abfahrtswältcup 28.
 Super-G-Wältcup 41.
 Riiseslalomwältcup 38.
 Slalomwältcup 14.
 Kombinationswältcup 5.
 Podiumsplatzierige 1. 2. 3.
 Abfahrt 0 0 1
 Super-G 0 1 0
 Super-Kombination 0 1 0
letschti Änderig: 22. Februar 2018

D Michelle Gisin (* 5. Dezämber 1993) isch e Schwyzer Skirännfahreri, wo z Ängelbärg ufgwachsen isch. Si isch uf d Diszipline Slalom un Riiseslalom spezialisiert. Ihri elter Schweschter Dominique un ihre elter Brueder Marc sin au Skirännfahrer.[1]

Lääbe[ändere | Quälltäxt bearbeite]

Ai Wiche vor ihrem 16. Geburtstag het d Gisin im Novämber 2008 zum erschte Mol bi me FIS-Ränne mitgmacht. Derwylscht si in ihre erschte Saison vor allem in dr schnälle Diszipline Abfahrt un Super-G gueti Ergebnis ghaa het, het si ihre Augemerk in dr zwoo Saison druf in dr Hauptsach uf Slalom un Riiseslalom verlageret. Ab Jänner 2010 isch si im Europacup zum Yysatz chuu, isch aber zerscht ohni Pinkt blibe. Am 3. Jänner 2011 het si s erscht FIS-Ränne gwunne, bim Riiseslalom z Morzine. Zum Abschluss vu dr Saison 2011/12 isch si z Zinal Schwyzer Junioremaischteri in dr Super-Kombination wore.

Am Aafang vu dr Saison 2012/13 het d Gisin ihri Laischtige dytli chenne staigere: Si het in ihre mittlerwyli sterkschte Disziplin Slalom drei FIS-Ränne gwunnenun isch im Europacup zum erscte Mol unter di beschte zeh gfahre. Wäg däre Entwicklig het si au im Wältcup derfe starte. Bi ihre Wältcup-Premiere am 29. Dezämber 2012 bim Slalom vu Semmering het si si gly fir dr zweet Durgang qualifiziert, isch dert aber churz vor em Zyyl uusgschide. Ihri erschte Wältcuppinkt het si am 15. Jänner 2013 mit em 9. Blatz im Slalom vu Flachau gholt, mit dr beschte Laufzyt im zweete Durgang. Si isc bi dr Wältmaischterschaft 2013 z Schladming derby gsii un het bi dr Juniorewältmaischterschaft 2013 di Silbermedallie im Slalom gwunne. Am 10. Jänner 2014 isch ere dr erscht Europacupsiig glunge, wu si dr Slalom vu Melchsee-Frutt fir si entschide het. Mit drei Siig un drei andere Podeschtblätz het si si dr erscht Blatz in dr Europacup-Gsamtwärtig un au in dr Slalom-Disziplinewärtig gwunne. Bim Saisonfinale z St. Moritz het si am 18. Merz 2016 im Schwyzer Team dr Mannschaftsbewärb vor Dytschland un Schwede gwunne.

In dr Saison 2016/17 isch ere in dr Superkombination z Val d'Isère mit Blatz 2 dr erscht Podechstblatz bi me Wältcupränne glunge. Bi dr Alpine Ski-WM 2017 z St. Moritz het si in dr Kombination d Silbermedallie gwunne.

Und a de Olympische Winterschpiili im Februar 2018 z Südkorea het si i dr Kombination d Guldmedalie gwunne und isch Olympiasygerin worde.

Erfolg[ändere | Quälltäxt bearbeite]

Olympischi Spiil[ändere | Quälltäxt bearbeite]

Wältmaischterschafte[ändere | Quälltäxt bearbeite]

  • Schladming 2013: 9. Teamwettbewärb, 26. im Slalom
  • Vail/Beaver Creek 2015: 4. Teamwettbewärb, 32. im Riiseslalom
  • St. Moritz 2017: 2. Alpini Kombination, 8. in dr Abfahrt, 21. im Slalom

Wältcup[ändere | Quälltäxt bearbeite]

  • 1 Podeschtblatz
  • 9 Blatzierige unter dr beschte zeh

Europacup[ändere | Quälltäxt bearbeite]

  • Saison 2013/14: 1. Gsamtwärtig, 1. Slalomwärtig, 5. Super-Kombinations-Wärtig
  • 7 Podeschtblätz, dervu 3 Siig:
Datum Ort Land Disziplin
10. Jänner 2014 Melchsee-Frutt Schwyz Slalom
21. Jänner 2014 Kirchberg in Tirol Eschtrych Slalom
29. Jänner 2014 Sestriere Italie Slalom

Juniorewältmaischterschafte[ändere | Quälltäxt bearbeite]

  • Québec 2013: 2. Slalom

Anderi Erfolg[ändere | Quälltäxt bearbeite]

  • 8 Siiig in FIS-Ränne
  • 1 Schwyzer Junioremaischtertitel: Super-Kombination 2012
  • European Youth Olympic Festival 2009: 22. Riiseslalom, 21. Slalom

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Das Geheimnis der Gisins Artikel i dr NZZ vom 28. Dezember 2012
Information icon.svg Dä Artikel basiert uff ere fräie Übersetzig vu dere Version vum Artikel „Michelle_Gisin“ vu de dütsche Wikipedia.

E Liste vu de Autore un Versione isch do z finde.