Messianischi Beweegige

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Under ere Messianische Beweegige verstoot mä mäistens e religiöös motiwierti Grubbierig, wo druf hofft, ass e göttlige Füerer (bald) uf dr Ärde wurd erschiine und d Menschhäit vom Liide und vom Mangel wurd erlööse. Si dauche vor allem im Juudedum, im Christedum, im Islam und im Buddhismus uf. Dr Begriff „Messias“ chunnt vom hebräische Wort משיח („Maschiach“) und bedütet „dr Gsalbti“. D Köönig vo Israel si dur d Salbig in iir Amt iigsetzt worde. Dr Ditel „Messias“ isch e Hohäitsditel, also vor allem e politische. Dr islamisch Ditel „Mahdi“, won em äänlig isch, bedütet hingege dr „Rächtgläitedi“. Dr christlig Begriff vom Messias bezieht sich uf e Jesus in dr Bedütig vom Häiland und Erlööser.[1][2]

Messianischi Beweegige im Juudedum[ändere | Quälltäxt bearbeite]

Noch em Säägsdaagchrieg, wo Israel ganz Eretz Israel erooberet het, isch die messianischi Beweegig Gusch Emunim entstande, wo glaubt het, ass dr Messias schnäller chiem, wenn Juude im ganze Land wurde lääbe. Elon More isch esone Siidlig.

Messianischi Beweegige hets immer wider im Juudedum, im Christedum und im Islam gee. Bsundrigs bi de Juude, wo d Gschicht von ene sit Joorduusige vo nazionaale Katastroofe und Verfolgige brägt isch, häi sich d Lüt immer wider lo verfüere zum an e noochi Erlöösig z glaube. Das het zur Zit vom Röömische Riich zu Ufständ gfüert, wo d Antwort vo de Röömer druf Versklaavig und Verdriibig us Eretz Israel gsi isch. In dr Diaspora het sich vor allem in Zite vo antijüüdische Progroom dr Messianismus verbräitet. Bsundrigs bekannt worde si dr Schabbtai Zvi im 17. und dr Jakob Joseph Frank im 18. Joorhundert, wo as Messias ufdräte und vereert worde si.

Lueg au[ändere | Quälltäxt bearbeite]

Litratuur[ändere | Quälltäxt bearbeite]

  • Norman Cohn: Die Erwartung der Endzeit, Insel, Frankfurt/M, 1997. ISBN 3-458-16880-X oder: Die Sehnsucht nach dem Millennium, Herder, Freiburg, 1998. ISBN 3-451-04638-5.
  • Nathanael Riemer: Zwischen Tradition und Häresie. ´Beer Sheva` – eine Enzyklopädie des jüdischen Wissens der Frühen Neuzeit. Wisbaade 2010
  • David, Ohana : Political Theologies in the Holy Land: Israeli Messianism and Its Critics (Routledge Jewish Studies Series), London und Nöi York: Routledge, 2009, ISBN 0-415-49168-1.
  • Schwartzman, Rabbi Joel R.: Our Lives: Our Choices. In: Living Torah Torat Chayim. 8, Nr. 43, 2004, S. p. 1 (engl.)

Fuessnoote[ändere | Quälltäxt bearbeite]

  1. Glossar «Messias»
  2. "‚Messias’ (im Dütsche) bedütet Erlööser."Was sagt das Judentum zum Ende der Tage uf chabad.org
Information icon.svg Dä Artikel basiert uff ere fräie Übersetzig vum Artikel „Messianische_Bewegungen“ vu de dütsche Wikipedia.

E Liste vu de Autore un Versione isch do z finde.