Maurice Casanova

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Maurice Casanova (* 2. Juli 1925 z Villette im Bangistaal; † 4. Juli 1995) isch e Schwiizer Sproochwüsseschaftler und Dialäktoloog gsi.

Er het zerscht i dr Gmeind Bangis gläbt und syni Frau Josée isch vom Dorf Liddes, wo im Entremont ääne lyt, gsi. Ane 1962 het dr Casanova a der Uni Nöieburg afange Gschicht, Latyn und Dialäktology studiere.

1968 isch er als Redakter zum Wälschschwiizer Mundartwörtebuech Glossaire des patois de la Suisse romande GPSR cho. Vo iim sind divärsi Artikel i de Büecher vom GPSR. Er het dr frankoprovänzalisch Dialäkt vom Bangstaal no ganz guet chönne; es paar Joor lang isch er bi der Jury vom überregionale Patois-Wettbewärb drby gsi.

Dr Casanova het z Bevaix gwoont. Und er het wyter über d Wörter, d Fluernääme und d Personenääme vom Bangistaal gforschet. Er het bi der Fluernamekommission vom Kanton Wallis mitgmacht. Mit em riisige Material vo Bangis, wo dr Casanova us der Dokumäntazioon vom GPSR usezoge het, het ane 2019 e Gruppe vo Lüüt vo däm synerer Redakzioon s Mundartwörterbuech vom Bangistaal useprocht.[1]

1990 het en d Wälschwalliser Gschichtsgselschaft Société d'histoire du Valais romand zu iirem Eeremitlgid gmacht.

Wäärch[ändere | Quälltäxt bearbeite]

  • Cum ergiaret..., scène d'irrigation à Bagnes au XIV siècle. In: Annales valaisannes, 1995.
  • Notice linguistique: faut-il lire exeva ou exena le nom de cette imposition communale? In: Vallesia, 1979, S. 256-261
  • Du fait de cuisine par Maistre Chiquart. 1420. In: Vallesia, 1985, S. 207–231.
  • In Villa de Bagnyes. Réflexions sur un village disparu et sur les origines que l'on attribue à son nom. In: Vallesia, 1978, S. 89-105.

Literatur[ändere | Quälltäxt bearbeite]

  • Pierrre Reichenbach: Maurice Casanova 1925–1995. In: Annales Valaisannes. Bulletin trimestriel de la Société d’histoire du Valais romand, 1996, S. 217–218.
  • Rose-Claire Schulé: Deux amis nous ont quittés. In: Bulletin du Centre d’études francoporvençales, 32, 1995, S. 19–20.

Fuessnoote[ändere | Quälltäxt bearbeite]

  1. Raphaël Maître, Eric Flückiger, Gisèle Pannatier: Dictionnaire du patois de Bagnes. éexique d’un parler francoprovençal alpin. Bagnes 2019. ISBN 978-2-839926713