Matthias vo Nöijeburg

Dr Matthias vo Nöijeburg (au Mathias; * um 1295 z Nöijeburg am Rhii; † churz noch 1364) isch e spootmiddelalterlige dütsche Chronist gsi.

Dr Matthias isch us ere patrizische Familie cho, het z Bologna kanonistischs Rächt studiert und au dr Magisterditel überchoo. 1327 isch er Rächtsberooter z Basel gsi, het denn vo 1329 aa in dr gliiche Posizioon bim Bischof vo Stroossburg, Berthold vo Buechenegg, gschafft. 1335 und no äinisch 1338 isch er in ere offizielle Missioon zur Kurie uf Avignon gfaare.

Dr Matthias isch dr Verfasser von ere latiinische Chronik, wo sich am Wärk vom Martin vo Troppau aagschlosse het. D Chronik isch literarisch nit bsondrig aaspruchsvoll, aber si isch äini vo de wichdigste Kwelle für d Zit vo 1245 bis 1350 mit em Schweerpunkt uf em Oberrhii, vo 1328 aa vor allem Stroossburg. Si isch in meerere Redakzioone überliiferet und es git meereri Ergänzige; die vo noch 1355 stamme aber woorschiinlig nit vom Matthias sälber. In dr eltere Forschig het mä au lang drüber diskutiert, öb dr Matthias überhaupt dr Autor vom Wärk isch. Hüte gältet das aber as unumstritte. Dr Schweerpunkt vo dr Daarstellig isch die politischi Gschicht, aber au die aadligi Lääbenswält, dr Usbruch vo dr Pest und d Judepogrom wärde beschriibe.

Usgoobe und Übersetzige

• Adolf Hofmeister (Hrsg.): Die Chronik des Mathias von Neuenburg. MGH Scriptores rerum Germanicarum, Nova series Bd. 4,1. Berlin 1924/1940. Online (Site cha nüme abgrüeft wärde; Suche im Webarchiv)[1] [2] Vorlage:Toter Link/www.dmgh.de.
• Die Chronik des Mathias von Neuenburg. Die Geschichtsschreiber der deutschen Vorzeit 84. Übers. vom Georg Grandaur. Mit ere Iiläitig vom Ludwig Weiland. 3. Uflaag, Leipzig 1912. Online

Litratuur

• Klaus Arnold: Matthias von Neuenburg. In: Verfasserlexikon II. Bd. 6, Sp. 194–197 (Literatur).
• Hans-Dieter Mück: Matthias von Neuenburg: Ein Chronist des Spätmittelalters am Oberrhein. Seine Zeit, sein Leben, sein Werk. Neuenburg 1995.
• Rolf Sprandel: Studien zu Mathias von Neuenburg. In: Dieter Berg, Hans-Werner Goetz (Hrsg.): Historiographia mediaevalis. Festschrift für Franz-Josef Schmale. Darmstadt 1988, S. 270–282.
• Wilhelm Wiegand: Matthias von Neuenburg. In: Allgemeine Deutsche Biographie (ADB). Band 20, Duncker & Humblot, Leipzig 1884, S. 666–668.

Weblinks

• Regula Schmid Keeling: Matthias von Neuenburg. In: Historisches Lexikon vo dr Schwiiz.
• Matthias de Nuwenburg im Repertorium „Geschichtsquellen des deutschen Mittelalters“

Dä Artikel basiert uff ere fräie Übersetzig vum Artikel „Matthias_von_Neuenburg“ vu de dütsche Wikipedia. E Liste vu de Autore un Versione isch do z finde.