Martin Horn (Politiker)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Martin Horn (* 7. Novämber 1984 z Annweiler am Trifels) isch e dytsche Sozialwisseschaftler un barteilose Bolitiker. Ab em 1. Juli 2018 isch er Oberburgermaischter vu Fryybeg.

Lääbe[ändere | Quälltäxt bearbeite]

Dr Horn isch im e Bfaarhuus as Suhn vu me evangelische Bfaarer ufgwachse un het anne 2009 an dr Evangelische Hochschuel Ludisburg e Studium vu dr Internationale Soziale Arbet aagfange, wun er 2013 mit em Bachelor abgschlosse het. Derno het er an dr Hochschuel Bremen dr Studiegang European and World Politics aagfange un het 2014 mit em Master abgschlosse. Im Studium isch er au zytwys z Botswana, z Jordanie, Georgie, Russland un dr Ukraine gsii. Syt syre Juged isch er in dr chilchlige Jugedarbet un in Verain engaschuiert.

Syt 2014 het dr Horn as Europa- und Entwicklungskoordinator im Hauptamt vu dr Stadt Sendelfenga un as freiberueflige Dozänt an dr Evangelische Hochschuel Ludisburg gschafft.

Dr Horn isch ghyrote un het e Suhn. Bis zum Umzug 2018 läbt d Familie z Stuegert.

Bolitik[ändere | Quälltäxt bearbeite]

Anne 2018 het dr Horn fir s Amt vum Fryybeger Oberburgermaischter kandidiert. D SPD het en im Wahlkampf unterstitzt. Im erschte Wahlgang am 22. April 2018 het er mit 34,7 % mee Stimme wie dr amtierend Oberbrugermaischter Dieter Salomon (Bindnis 90/Di Griene) iberchuu, wu uf 31,3 % chuu isch.[1]

Im zweete Wahlgang am 6. Mai 2018 sin vier Kandidate aadrätte. Fir dr Wahlsieg het e aifach Mee glängt. Dr Horn het mit 44,2 % di maischte vu dr Stimme kriegt. Dri bishärig Amtsinhaber Dieter Salomon isch nume uf 30,7 % chuu. Dr Horn dritt sy Amt am 1. Juli 2018 aa.[2]

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Oberbürgermeister Salomon unterliegt in erster Wahlrunde
  2. Freiburgs grüner Oberbürgermeister Salomon abgewählt - Horn siegt. schwaebische.de, 2018-05-06. Abgrüeft am 2018-05-06.


Information icon.svg Dä Artikel basiert uff ere fräie Übersetzig vu dere Version vum Artikel „Martin_Horn_(Politiker)“ vu de dütsche Wikipedia.

E Liste vu de Autore un Versione isch do z finde.