Marseille

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Marselha
 Provence-Alpes-Côte d'Azur
MarseillePaysage.jpg
Armoiries de Marseille.svg
Verwàltung
Land  Frànkrich
Region  Provence-Alpes-Côte d'Azur
Département Bouches-du-Rhône (13) - (Präfektur)
Arrondissement Marseille (Unterpräfektur)
Kommünàlverbànd Métropole d'Aix-Marseille-Provence
Àmtliga Nàma Marseille
Maire Jean-Claude GAUDIN (2014-2020)[1]
Code Insee 13055
Poschtlaitzàhl 13000, 13001, 13002, 13004, 13003, 13005, 13006, 13007, 13008, 13009, 13010, 13011, 13012, 13013, 13014, 13015, 13016
Iiwohner
Iiwohner 855.393
Flech 240,62 km2
Bevelkerungsdicht 3.554,95 Iiw./km2
Làg
Koordinate 43° 17′ 48″ N, 5° 22′ 35″ E / 43.296666666667°N,5.3763888888889°E / 43.296666666667; 5.3763888888889Koordinate: 43° 17′ 48″ N, 5° 22′ 35″ E / 43.296666666667°N,5.3763888888889°E / 43.296666666667; 5.3763888888889
Heche 12 m
Marselha hemen kokatua: Frànkrich
Marselha
Marselha
Marselha (Frànkrich)
Website
http://www.marseille.fr

Maarsei ([maʁˈsɛj], uf französisch Marseille, uf Tüütsch het me früener Massilien gseit; im Okzitanische heiist’s Marselha oder Marsiho [maʀˈse.jɔ]) isch e Grossstadt vo Frankrych.

Geografy[ändere | Quälltäxt bearbeite]

Es isch di wichtigschti franzesischi und di drittgröschti europäischi Hafestadt und d Hauptstadt vum Département Bouches-du-Rhône i de Region Provence-Alpes-Côte d’Azur.

D Stadt lyt am Golf vu Lion, ere grosse Bucht vom Mittelmeer. Si isch mit 861.635 Yywohner (Stand 1. Januar 2015) noo Bariis di zweitgröschti Stadt z Frankrych. Si het aber doplet so ne grosses Stadtgebiet wie Bariis.

D Metropolregion zehlt noo EUROSTAT-Definizioon öppe 3,05 Millione Yywohner (2015).[2]

Im Zäntrum vu dr Stadt lyt dr alt Hafe, uf Französisch Vieux Port, und drnäbe dr nöi Meereshafe, dr Port moderne, wo die grosse Fäärine über s Middelmeer abfahre.

dr Name[ändere | Quälltäxt bearbeite]

Dr Name vo dr Stadt chunt vo den alte Grieche, wo a däm Ort im 7. Joorhundert vor Chrischtus e Kolony grüündet hend. Uf Griechisch het d Stadt Μασσαλία (Massalia) gheisse, spöter denn bi de Röömer Massilia.

D Yywohner vu de Stadt nännet sich Marseillais [maʁ.sɛ.ˈjɛ].

Gschicht[ändere | Quälltäxt bearbeite]

De Grieche vo Massalia isch es glunge, z Gallie und bsunders im Rhonedaal es wyts Handelsnetz yzrichte, wo bis zu de Helvezier ggangen isch.

Öppe ane 1218 isch Maarsei vo de Grafe vo dr Provence zimli unabhängig worde. Sid em spoote 15. Joorhundert ghört d Stadt zu Frankrych.

I dr französische Revoluzioon isch es Lied vom Schenyoffizier Rouget de Lisle im ganze Land beliebt worde, wo me hütt no als La Marsaillaise kännt.

Kultur[ändere | Quälltäxt bearbeite]

Maarsei isch 2013 zämme mit de slowakische Stadt Košice d Kulturhauptstadt vu Europa gsii.

Architektonischi Monumänt vo Maarsei sind öppe d Bärgchile Notre-Dame de la Garde, d Burg uf dr Insle Iff, d Chile Cathédrale Sainte-Marie-Majeure de Marseille, s Chlooschter Saint-Victor, dr Durm vom König René, d Feschtig Saint-Nicolas, s Schloss Longchamp, em Le Corbusier syni modärni Cité Radieuse und dr “dekonstruktivistisch” Durm mit em Hauptsitz vo dr Reederei CMA CGM.

Vercheer[ändere | Quälltäxt bearbeite]

Uf Maarsei goot d TGV-Linie Méditerranée, wo z Bariis afoot.

Dr modärn Handelshafe Marseille Europort lyt füfzg Kilometer wyter im Weschte bi Fos-sur-Mer.

Weblingg[ändere | Quälltäxt bearbeite]

 Commons: Marseille – Sammlig vo Multimediadateie

Fuessnote[ändere | Quälltäxt bearbeite]

  1. (frànzeesch) Liste des maires au 25 avril 2014 (data.gouv.fr)
  2. Bevölkerung am 1. Januar 2017 nach Altersgruppe, Geschlecht und Metropolregionen. Archiviert vom Original am 2017-06-11. Abgrüeft am 2017-05-25. (de)
Information icon.svg Dä Artikel basiert uff ere fräie Übersetzig vum Artikel „Marseille“ vu de dütsche Wikipedia.

E Liste vu de Autore un Versione isch do z finde.