Leo II.

dr Leo II., Darstellig in dr Basilika Sankt Paul vor dr Muure

Dr Leo II. (* z Sizilie; † 3. Juli 683) isch vum 17. Augschte 682 bis zue sym Dood Paapscht un Bischof vu Rom gsii.

Lääbe un Wiirke

Dr Leo II. isch e Griech vu Sizilie gsii. Di griechisch Sprooch un Literatur isch dodmol z Rom fascht ganz vergässe gsii. Wän eber Griechisch het chenne, isch des wäge däm ebis Bundrigs gsii un dr Paapscht, wu griechisch un lydynisch gschwätzt het, het as Wunder vu dr Glehrsamkait gulte. Är isch Noofolger vum Agatho gsii. Uf em sechste ekumenische Konzil z Konstantinopel 680 (Dritts Konzil vu Konstantinopel) isch iber dr Paapscht Honorius I. fir syni Aasiichte im Monotheletismus-Stryt as Sympathisant mit Häretiker dr Chilchebaan verhänkt woore. belegt. Des isch no in dr Zyt vum Agatho bassiert, dr Leo II. isch aber fir die Entschaidig gsii un het d Verdammig vum Honorius I. mit Schrifte begrindet. Är het im Honorius I. „profana proditione immaculatem fidem subvertere conatus est.“ (eber, wu dur gwehnlige Verroot versuecht ghaa het, dr rain Glaube z schlysse“) Unter em Gedanke vu dr pääpschtlige Unfählbarkait sin syni Woort zue me aigene Dischput woore. Bsundersch dr griechisch Täxt an dr Chaiser zaigt e anderi, milderi Woortwändig, wu dr Terminus „subverti permisit“ statt statt „subvertere conatus est“ bruucht wird, d. h. dr Vorwuurf haißt do Gstattig statt aktivi Verbraitig vun ere Häresy,

In dr Conciliengeschichte (iii, 294) vu Karl Joseph von Hefele wird des em wahre Verständnis vum Leo II. unterstellt. In dr Zyt vu sym Pontifiat isch d Abhängigkait vum Bischofsstuel vu Ravenna vu sällem u Rom schließli dur chaiserlige Edikt feschtgschriibe woore.

Dr Paapscht Leo II. isch hailiggsproche woore. Sy kadoolische Mahndaag isch dr 3. Juli, sy Doodesdaag.

Literatur

• Adriaan Breukelaar: Leo II. In: Biographisch-Bibliographisches Kirchenlexikon (BBKL). Band 4, Herzberg 1992, ISBN 3-88309-038-7, Sp. 1435–1436.
• Eugenio Susi: Leone II. In: Enciclopedia dei Papi. 2000, archiviert vom Original am 6. Mai 2013; abgruefen am 8. März 2018. 

Weblink

 Commons: Leo II. – Sammlig vo Multimediadateie

Vorgänger	Amt	Nachfolger
Agatho	Papscht 682–683	Benedikt II.

Dä Artikel basiert uff ere fräie Übersetzig vu dere Version vum Artikel „Leo_II._(Papst“ vu de dütsche Wikipedia. E Liste vu de Autore un Versione isch do z finde.