Katrin Eggenberger
D Katrin Eggenberger (* 8. Septämber 1982 z Werdebärg SG) isch e liechtaschtaanischi Bolitikeri (FBP). Si isch syt em 11. Novämber 2019 Mitgliid in dr Regierig vum Fiirschteduum Liechtaschtaa. As Regierigsreeti isch si fir s Minischterium fir Usseress, Juschtiz un Kultuur verantwortli.
Uusbildig un Beruef
[ändere | Quälltäxt bearbeite]D Katrin Eggenberger isch as Chind vun eme Schwyzer Vater un ere liechtaschtaanische Mueter liechtaschtaanisch-schwyzerischi Doppelbuurgeri, uf d Wält chuu isch si z Werdebärg im Schwyzer Kanton Sanggale, in dr Neechi vu dr liechtaschtaanische Gränze.[1] Si isch au in dr Schyz uf d Schuel gange, voreb si sie zum Bachelor- un Masterstudium an d Universiteet Liechtaschtaa chuu isch. Si het zeerscht vu 2003 bis 2008 e Bachelorstudium mit Verdiefig in Finanzdienschtlaischtige absolviert un ab 2010 e Masterstudium mit Verdiefig Banking and Financial Management, wu si anne 2012 abgschlosse het.[2]
Näbe ire Studium het si vu 2002 bis 2003 bi dr LGT Bank z Liechtaschtaa gschafft, vu 2004 bis 2008 bi dr liechtaschtaanische VP Bank un isch anne 2008 Mitgliid vu dr Diräkzioon vu dr Notenstein Privatbank z Sanggale woore.[2] Anne 2014 isch si in akademische Lehrbedriib retuurchuu un het an dr Universiteet Sanggale s Doktoraatsstudium vu dr Staatswisseschafte ufgnuu. In däm Rame het si au unter anderem an dr London School of Economics and Political Science, an dr University of Cambridge anne 2015 as Gaschtfoorscheri am Berkman Klein Center for Internet & Society vu dr Harvard University un am Liechtenstein Institute on Self-Determination vu dr Princeton University gfoorscht.[2] Iri Dokteraarbet '«Solving Cooperation Problems over International Taxation: Power, Legitimacy and Sovereignty» het si 2019 yygee, ire Doktervater isch dr Nobelbryysdreeger Joseph E. Stiglitz gsii.[1] Dodermit isch si 2019 zur Dokteri vu dr Staatswisseschafte (Dr. rer. publ. HSG) an dr Universiteet Sanggale promoviert woore.[3]
Ab 2016 het si dernääbe as perseenligi Mitarbaiteri vum Klaus Schwab gschafft, em Grinder vum Wältwiirtschaftsfoorum, un isch Voositzeri vu dr Community of Chairpersons vum Wältwiirtschaftsfoorum gsii.[1][4]
Bolitik
[ändere | Quälltäxt bearbeite]Wu dr Liechtaschtaanisch Landdaag am 2. Juli 2019 dr bishäärige FBP-Regierigsreeti Aurelia Frick s Verdröue entzooge het, het d Fierig vu dr Fuurtschrittlige Buurgerbartei e Noofolgeri fir d Frick as Usse-, Juschtiz- un Kultuurminischteri gsuecht. Am 3. Septämber het dr Barteivoorschtand vu dr FBP d Katrin Eggenberger as neii Regierigsreeti nominiert, wu bis deert in kaire Bartei aktiv gsii isch.[5] Am 6. Novämber 2019 isch d Eggenberger vum Landdaag mit 18 Stimme zur neie Regierigsreeti gwehlt woore,[6] am 11. Novämber vum Erbprinz Alois von und zu Liechtenstein zur Regierigsreeti ernännt un am nämlige Daag vum Regierigsschef Adrian Hasler veraidigt woore.[7] Si het in dr Regierig vum Fiirschteduum Liechtaschtaa d Verantwoortig fir d Ressort Usseress, Juschtiz un Kultuur ibernuu.
Weblink
[ändere | Quälltäxt bearbeite]
Commons: Katrin Eggenberger – Sammlig vo Multimediadateie- Offiziälle Lääbeslauf im Webportal vu dr Regierig vum Fiirschteduum Liechtaschtaa.
Fueßnote
[ändere | Quälltäxt bearbeite]- ↑ 1,0 1,1 1,2 Günther Meier: Die neue Aussenministerin Liechtensteins hat auch den roten Pass. In: Neue Zürcher Zeitung. 11. November 2019, abgruefen am 27. November 2019.
- ↑ 2,0 2,1 2,2 Offiziälle Lääbeslauf im Webportal vu dr Regierig vum Fiirschteduum Liechtaschtaa.
- ↑ In Buchs aufgewachsene Katrin Eggenberger wird neue Aussenministerin Liechtensteins. Abgruefen am 9. Februar 2021.
- ↑ Katrin Eggenberger. In: Maurice R. Greenberg World Fellows Program. Abgruefen am 9. Februar 2021 (amerikanischs Änglisch).
- ↑ Katrin Eggenberger soll Fricks Nachfolgerin werden. In: Liechtensteiner Vaterland. 7. September 2019, abgruefen am 27. November 2019.
- ↑ Hannes Matt: Katrin Eggenberger erhält 18 Ja-Stimmen im Landtag. In: Liechtensteiner Volksblatt. 6. November 2019, abgruefen am 27. November 2019.
- ↑ Katrin Eggenberger als Regierungsrätin vereidigt. In: Liechtensteiner Volksblatt. 11. November 2019, abgruefen am 27. November 2019.
|
Dä Artikel basiert uff ere fräie Übersetzig vu dere Version vum Artikel „Katrin_Eggenberger“ vu de dütsche Wikipedia. E Liste vu de Autore un Versione isch do z finde. |