Fortschrittliche Bürgerpartei in Liechtenstein

Fortschrittliche Bürgerpartei in Liechtenstein
Partei­vorsitzr	Marcus Vogt
Gründig	1918
Haupt­sitz	Vaduz
Jugend­organisation	junge FBP
Ziitig	Volksblatt
Uus­richtig	Chrischtdemokraty, Nationalkonservatismus, Wirtschaftsliberalismus
Farb(e)	Schwaarz (Blau, Oraasch)
Landdaag	9/25 (2017)
Websiite	www.fbp.li

Di Fuurtschrittli Buurgerbartei z Liachtaschtaa (dt. Fortschrittliche Bürgerpartei in Liechtenstein, churz FBP) isch e chrischtli-konservativi Bartei im Fiirschteduum Liachtaschteaa. Si isch näb dr Vaterländische Union aini vu dr zwoo grooße Volksbarteie z Liachtaschtaa un bildet mit däre ne Regierigskoalizioon in dr Regierig. Barteibresidänt isch dr Marcus Vogt.

Positzoone

D FBP luegt si as «wäärtkonservativi Mitti-Räächts-Bartei» aa. Si stoot uusdruckli hinter dr dualistische Staatform, wu uf dr glyychwäärtige Souverän Fiirscht un Volk basiert. Si setzt si fir e Bolitik vu dr soziaale Määrtwiirtschaft yy. D Bartei riichtet si no chrischtlige Wäärt un zyylt uf en schlanke aber laischtigsfäähige Staat ab, as Basis fir e effiziänt un effektiv staatli Handle.

Gschiicht

D FBP isch anne 1918 as Reakzioon uf d Grindig vu dr sozial-konservative Volksbartei in s Lääbe gruefe woore un het e chrischtli-konservativi bis reaktioneeri Bolitik driibe. Si het iri Wuurzle bi dr Buure un Handwäärcher ghaa un isch im Klerus staark verankeret gsii. Si het vu 1928 bis 1970, vu 1974 bis 1978, 1993 (Februar bis Oktober) un 2001 bis 2005 mit eme absolute Mee vu dr Mandaat regiert (2001 het si mit 49 % vu dr Stimme Stimme 13 vu dr 25 Barlemäntssitz gwunne).

In dr Ussenandersetzige 2001–2003 um e Verfassigsänderig, wu d Posizioon vum Fiirscht Hans-Adam II. un di diräktdemokraatische Räächt vu dr Weeler*ne steerker un d Position vum gweelte Landdaag un d Regierig insgsamt schwecher gmacht het, hän si Barteiapparat un FBP-Mandatar – vylmool im Geegesatz zue vorhärige Posizioone – uf d Syte vu däne gschlaa, wu fir die Änderige gsii sin. S Volk het im Meerz 2003 fir die Verfassigsänderig gstimt. Bi dr Landdaagswaal 2005 het d FBP ire absolut Mee im Barlemänt verloore, isch aber steerkschti Bartei bliibe. Zäme mit dr Vaterländischen Union (VU) het si ne Koalizioonsregierig bildet.

Bi dr Landdaagswaal am 8. Februar 2009 isch d FBP vu dr VU as steerkschti Bartei abgleest. Dr Regierigsschef Otmar Hasler het dodruf sy Ruckdritt verchindet. Noofolger vum Hasler isch dr VU-Bolitiker Klaus Tschütscher woore. Bi dr Landdaagswaal 2013 isch d FBP drotz Verluscht vu 3,5 Brozäntpinkt wider stimmesteerkschti Bartei woore un het wäge däm in dr Regierigskoalizioon mit dr VU mit em Adrian Hasler wider dr Regierigsschef un derzue zwai Regiergsreet*ine gstellt. Bi dr Landdaagswaal 2017 het d FBP 4,8 % verloore un isch doodermit uf s schläächtscht Ergeebnis in ire Gschiicht chuu un nume no nyyn vu dr 25 Sitz. Si isch aber ainewääg stimmesteerkschti Bartei im Landdaag bliibe, wel di Vaterländisch Union nume lyycht hete chenne derzuegwinne un bi aacht Abgoordnete stoo bliibene isch.

Landdaagswaalergeebnis vu dr FBP syter 1945

50%

40%

30%

20%

10%

0%

45

49

53

53

57

58

62

66

70

74

78

82

86

89

93

93

97

01

05

09

13

17

FBP-Regierigsschef syter 1918

Amtszeit	Name
1921–1922	Josef Ospelt
1928–1945	Josef Hoop
1945–1962	Alexander Frick
1962–1970	Gerard Batliner
1974–1978	Walter Kieber
1993–1993	Markus Büchel
2001–2009	Otmar Hasler
syt 2013	Adrian Hasler

FBP-Barteibresidänte syter 1918

Amtszeit	Name
1918–19??	Franz Verlin
19??–19??	Bernhard Risch
19??–19??	Ludwig Marxer
19??–19??	Ferdinand Risch
19??–1945	Alfons Kranz
1945–1970	Richard Meier
1970–1982	Peter Marxer
1982–1986	Herbert Batliner
1986–1987	Josef Biedermann (Interimsbresidänt)
1987–1992	Emanuel Vogt
1992–1993	Hansjörg Marxer
1993–1995	Otmar Hasler
1994–1997	Emanuel Seeger
1997–2001	Ernst Walch
2001–2005	Johannes Matt
2005–2009	Marcus Vogt
2009–2013	Alexander Batliner
2013–2015	Elfried Hasler (Interimsbresidänt)
2015–2019	Thomas Banzer
syt 2019	Marcus Vogt

Zytig

Logo vum Liechtensteiner Volksblatt

S Liechtensteiner Volksblatt isch anne 1878 grindet woore un stoot dr Fuurtschrittlige Buurgerbartei nooch. S Volksblatt isch di etscht un noch em Liechtensteiner Vaterland di zwootgreescht Zytig vum Ländli.

Weblink

• Offiziälli Websyte vu dr FBP
• Liechtensteiner Volksblatt
• Wilfried Marxer: Fortschrittliche Bürgerpartei (FBP). In: Historischs Lexikon vom Förschtatum Liachtastaa.

Fueßnote

Dä Artikel basiert uff ere fräie Übersetzig vu dere Version vum Artikel „Fortschrittliche_Bürgerpartei_in_Liechtenstein“ vu de dütsche Wikipedia. E Liste vu de Autore un Versione isch do z finde.