Universiteet Liachtaschtaa

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Vorlage:Infobox Hochschule/Professoren fehlt
Universität Liechtenstein
Logo
Gründig 1961
Drägerschaft Staat un Wiirtschaft
Ort Vaduz
Staat Liachtaschtaa
Leitig Ulrike Baumöl
Studänte ca. 800
Mitarbeiter ca. 200
Websiite www.uni.li
d Universiteet Liachtaschtaa

D Universiteet Liachtaschtaa isch e staatligi Hoochschuel mit dr fachlige Schwäärpinkt Architäktuur un Ruumentwicklig un Wiirtschaftswisseschafte (Entrepreneurship, Finance, Wiirtschaftsinformatik, Wiirtschaftsräächt). Si het ire Sitz z Vaduz im Fiirschteduum Liachtaschtaa. Di inhaltli Fokussierig orientiert dodraa, was Wiirtschaft, Bolitik un Gsellschaft vu Liachtaschtaa un dr Regioon (Alperhyydaal, Boodesee) bruuche.

Gschiicht[ändere | Quälltäxt bearbeite]

Vorlaifer isch s anne 1961 uf Initiativ vu Wiirtschaft un Staat grindet Abendtechnikum Vaduz. Anne 1965 isch us em Oobetächnikum di Höcheri Techneschi Lehraastalt (HTL) entstande, wo 1988 in Liachtaschtaaneschi Ingenieurschuel (LIS) umbenennt woren isch. Im Joor 1992 isch d LIS as Fachhoochschuel anerkännt woore. 1997 isch d LIS zue dr Fachhoochschuel Liachtaschtaa as Stiftig vum effetlige Räächt umgwandlet woore un 2005 zur Hochschule Liechtenstein.[1] Im Juli 2008 het d Regierig vum Fiirschteduum Liachtaschtaa d Duurfierig vu Doktoraatsstudiegäng (Promozioonsräächt) gnäämigt.

Dr offiziäll Iibergang zue dr «Universiteet Liachtaschtaa» isch zum 1. Februar 2011 uf dr Basis vum Gsetz iber d Universiteet Liachtaschtaa vollzooge woore, wu dr Landdaag am 25. Novämber 2010 verabschiidet het,[2] S Orgaan fir Akkreditierig un Qualiteetssicherig vu dr Schwyzerische Hoochschuel (OAQ) het uf Basis vun ere umfangryyche Evaluazioon bsteetigt ghaa, ass d Qualiteetsriichtlinie vu dr Schwyzerische Universiteetskumferänz (SUK) erfillt wääre. Dreeger sin dr Staat un Organisazioone vu dr Wiirtschaft. Rund 800 Studänt*ine sin in dr Bachelor-, Master-, Doktoraats- un Wyterbildigsprogramm yygschriibe. Studänt*ine un Leerrer*ine us iiber 40 Länder mache dr Campus zue me internazionaale Studienoort am Wiirtschafts- un Finanzblatz Liachtaschtaa.

D Universiteet Liachtaschtaa isch im Schwyzer Bildigsranking 2017 uf em eerschte Blatz in dr Kategory "Universiteete" glääge.[3]

Inschtitut un An-Inschtitut[ändere | Quälltäxt bearbeite]

An dr Universiteet Liachtaschtaa sin fimf Inschtitut aagsiidlet, wu d Foorschigszäntre vu dr Universiteet sin:

  • Architäktuur un Ruumentwicklig
  • Finanzdienschtlaischtige
  • Entrepreneurship
  • Wiirtschaftsinformatik
  • Wiirtschaftsräächt

Anne 2003 het s KMU Zäntrum as eerscht An-Inschtitut d Aarbet ufgnuu un 2004 isch d KOFL – Konjunktuurfoorschigsstell Liachtaschtaa as zwait An-Inschtitut ufgmecht woore. S KMU Zäntrum bietet Dienschtlaischtige (Coaching, Businessblaan, Wettbewäärb) un Seminaar un Kiirs fir chlaineri un mittleri Unternäme aa.

Bachelor-, Master- un Doktoraatsstuudiegäng[ändere | Quälltäxt bearbeite]

  • Architäktuur (BSc Arch., MSc Arch.)
  • Bedriibswiirtschaftsleer BWL (BSc)
  • Finance (MSc)
  • Entrepreneurship (MSc)
  • Information Systems (MSc)
  • Wiirtschaftswisseschafte (Dr. rer. oec., Ph.D.)
  • Architäktuur un Ruumentwicklig (Dr. sc.)

D Diploom sin staatlig anerkännt un erfille d EU-Riichtliinie iber di geegesytig Anerkännig vu dr Diploom, Briefigserfoordernis un sinschtige Befähigungsuuswyys.

Bachelorstuudiegäng[ändere | Quälltäxt bearbeite]

D Bachelorstuudiegäng geen zmindescht segs Semeschter (180 ECTS). S wääre Bachelorstuudiegäng in dr Fachriichtige Architäktuur (BSc Arch.) un Bedriibswiirtschaftsleer (BSc) aabote.

Masterstuudiegäng[ändere | Quälltäxt bearbeite]

D Masterstuudiegäng (MSc) geen zmindescht vier Semeschter (120 ECTS). Aabote wääre Masterstuudiegäng fir die Beryych:

  • Architäktuur (MSc Arch.),
  • Finance (MSc),
  • Information Systems (MSc),
  • Entrepreneurship (MSc).

Doktoraatsstuudiegäng[ändere | Quälltäxt bearbeite]

S Doktoraat cha mer im dritte Stuudiezyklus mache (zmindescht drei Joor). Verfiegbaar sin Stuudiegäng in Architäktuur un Ruumentwicklig un in Wiirtschaftswisseschafte.

Wyterbildigsbrogramm[ändere | Quälltäxt bearbeite]

An dr Universiteet Liachtaschtaa cha mer au verschiideni Wyterbildigsbrogramm in Foorm vu Vordreeg, Seminaar, Chiirs, Master-Stuudiegäng (Executive Master, MBA, LL.M.), Diploomstuudiegäng un Zertifikaatsstuudiegäng bsueche. D Universiteet Liachtaschaa bietet die Wyterbildigsbrogramm aa:

MBA

  • Technologie & Innovation[4]
  • Corporate Finance & Accounting[5]

Executive MBA

  • International Asset Management[6]

Executive Master of Laws (LL.M.)

  • Gsellschafts-, Stiftigs- un Trusträächt[7]
  • International Taxation[8]
  • Bank- un Finanzmäärträächt[9]

Diploom- un Zertifikaatsstuudiegäng

  • Zertifikaatsstuudiegang National un International Styyrräächt[10]
  • Diploomstuudiegang Dreihandwääse[11]
  • Zertifikaatsstuudiegang Dreihandwääse[12]
  • Zertifikaatsstuudiegang Trusträächt[13]
  • Zertifikaatsstuudiegang Intellectual Property[14]
  • Zertifikaatsstuudiegang Compliance-Officer[15]
  • Zertifikaatsstuudiegang Induschtry 4.0 Management[16]

Foorschig[ändere | Quälltäxt bearbeite]

Dr gsetzli Ufdraag un di internazionaal gängige Hoochschuelstandard verbfliichte d Universiteet Liachtaschtaa zue Foorschig. Foorschig bildet näb dr Uus- un Wyterbildig di zwoot Syyle vu dr Universiteet. Unter em Motto Lokali Uusriichtig – internazionaali Yybettig siit d Universitet Liachtaschtaa iri primeer Ufgaab doodin, en postive Yyfluss z nee uf di wiirtschaftli un gsellschaftli Entwicklig vu Liachtaschtaa un s vorhande Foorschigs-Know-How erfolgryych in dr europäisch Foorschigsruum yyzbette. Foorschig soll dr Transfer vu neischtem Wisse in d Leer un Praxis gwäärlaischte. Foorschigsschwäärpinkt sin:

  • Architäktuur: Noohaltig Böue, Architäktuur un Theory, Noohaltigi Ruumentwicklig [17]
  • Entrepreneurship: Entrepreneurial Learning, Teamlearning, Entrepreneurial Marketing, Innovationsmanagement, International un strategisch Management, Wissenaarbet un Wissemanagement un Familienunternäme[18]
  • Finance: Banking and Finance, Internazionaali Styyre, Unternämesstyyre, Vermeegesblaanig[19]
  • Wiirtschaftsinformatik: Digital Innovation, Process Management, Sustainably Digital, Content Management, Enterprise Resource Planning, Big Data Analytics, Culture Assessment un Digital Nudging[20]
  • Wiirtschaftsräächt: Gsellschafts-, Stiftigs- un Trusträächt un Bank- un Finanzmäärträächt[21]

Wisse- un Technologytransfer[ändere | Quälltäxt bearbeite]

Foorschig un Wisse- un Technologietransfer gheere zum gsetzlige Ufdraag vu dr Universiteet Liachtaschtaa. Si stehen in ängem Bezuug zur Leer un dien die ergänze. Dr neischt Wissestand un d Brobläämleesigskumpetänz wääre dur Projäkt us dr Praxis vermittlett. Au d Wiirtschaft bruucht d Foorschigskapazitet vu dr Universiteet. Bsundersch chlaini un mittleri Bedriib (KMU), wu kai aigeni F&E-Ressource hän, bruuche di aagwändet Foorschig un Entwicklig. Die Laischtige bringe d Inschtitut un An-Inschtitut.

Stuudiegäld[ändere | Quälltäxt bearbeite]

S Stuudium choschtet in dr Bachelor-, Master- un Doktoraatsstuudiegäng 950 Schwyzer Franke fir EU/EWR un Schwyzer Buurger*ne un 1250 Schwyzer Franke fir anderi Staatsaagheerigi pro Semestcher[22]. Gaschtstudänt*ine im Rame vu Uusduschprogramm (Erasmus-Programm) zaale kai Stuudiegäld.

Weblink[ändere | Quälltäxt bearbeite]

 Commons: Universiteet Liachtaschtaa – Sammlig vo Multimediadateie

Fueßnote[ändere | Quälltäxt bearbeite]

  1. Gesetz über die Hochschule Liechtenstein vom 25. November 2004
  2. Universität Liechtenstein - Studieren und Forschen mit Aussicht. Archiviert vom Original am 4. November 2014; abgerufen am 4. November 2019.
  3. Studierende haben die besten Schulen der Schweiz gewählt. In: eduwo. eduwo, 31. Januar 2018, archiviert vom Original am 14. Februar 2019; abgerufen am 14. Februar 2019.
  4. Master of Business Administration in Technologie & Innovation
  5. Master of Business Administration (MBA) in Corporate Finance & Accounting. Abgerufen am 27. Februar 2018.
  6. Executive Master of Business Administration (EMBA) in International Asset Management
  7. Executive Master of Laws (LL.M.) im Gesellschafts-, Stiftungs- und Trustrecht
  8. Executive Master of Laws (LL.M.) in International Taxation
  9. Executive Master of Laws (LL.M.) in Banking and Securities Law
  10. Zertifikatsstudiengang Nationales und Internationales Steuerrecht
  11. Diplomstudiengang Treuhandwesen
  12. Zertifikatsstudiengang Treuhandwesen
  13. Zertifikatsstudiengang Trustrecht
  14. Zertifikatsstudiengang Intellectual Property
  15. Zertifikatsstudiengang Compliance-Officer
  16. Zertifikatsstudiengang Industrie 4.0 Management. Abgerufen am 27. Februar 2018.
  17. Das Institut im Überblick. Abgerufen am 27. Februar 2018.
  18. Institut für Entrepreneurship. Abgerufen am 27. Februar 2018.
  19. Institut für Finance. Abgerufen am 27. Februar 2018.
  20. Institut für Wirtschaftsinformatik. Abgerufen am 27. Februar 2018.
  21. Institut für Wirtschaftsrecht. Abgerufen am 27. Februar 2018.
  22. Bachelorstudiengang Betriebswirtschaftslehre (BSc BWL). Abgerufen am 28. Januar 2018.

47.1497839.516191Koordinate 47° 8′ 59″ N, 9° 30′ 58″ O; CH1903: 757553 / 224176