Zum Inhalt springen

Daniel Risch

Us der alemannische Wikipedia, der freie Dialäkt-Enzyklopedy
dr Daniel Risch (2017)

Dr Daniel Risch (* 5. Merz 1978 z Grabs) isch e liechtaschtaanische Bolitiker (VU). Är isch syt em 30. Merz 2017 as Regierigsschef-Stellverdrätter un Regierigsrot mit Zueständigkait fir s Minischterium fir Infrastruktur, Wirtschaft un Sport Mitglid vu dr Regierig vum Firschtedum Liechtaschtaa.

Uusbildig un Beruef[ändere | Quälltäxt bearbeite]

Dr Daniel Risch isch e Suhn vum Hans Risch, eme Bankaagstellte, un dr Erika geb. Sprenger. Är isch mit eme Brueder z Planka ufgwagse. Dr Risch isch ab 1990 uf s Lechtaschtaanisch Gimnasium z Vadoz gange, wun er anne 1998 mit dr Wirtschafts-Matura abgschlosse het. Vu 1999 bis 2003 het er Bedribswirtschaftslehr an dr Universidete Sanggale, Züri un Minche studiert. An dr Universidet Züri het er dr akademisch Abschluss mit em Lizenziat vu dr Wirtschaftswisseschafte (lic. oec. publ.) gmacht. Dodruf het dr Daniel Risch an dr Universidet Fryburg e Doktoratsstudium in Wirtschaftsinformatik absolviert un isch dert 2007 zum Doktor vu dr Wirtschaftswisseschafte (Dr. rer. pol.) promoviert wore. Vu 2006 bis 2007 isch dr Risch im Rame vun eme SNF-Forschigsufenthalt as Gaschtdozänt an dr auschtralische Universidet Melbourne gsii.

In dr Zyt vu sym Doktoratsstudium het dr Daniel Risch vu 2004 bis 2007 as Forschigsassischtänt un Dozänt am Competence Center E-Business vu dr Fachhochschuel Nordweschtschwyz z Basel gschafft. Ab 2007 het er in verschidene Laitigsposizione bi der Unic AG, eme E-Business Berotigsunternäme, gschafft. Unter anderem isch er Head of Sales un Chief Marketing Officer vu dr Unic Gruppe gsii. Vu 2015 bis zue sym Regierigsyydritt 2017 isch er Chief Marketing Officer bi dr Liechtaschtaanische Poscht AG gsii.

Bolitik[ändere | Quälltäxt bearbeite]

Dr Daniel Risch isch syter anne 2016 Mitglid vum Barteibresidium vu dr Vaterländische Union, aire vu dr boode große Volksbarteie vum Firschtedum Liechtaschtaa. No dr Landdagswahl 2017 isch dr Risch vu syre Bartei as Regierigsschef-Stellverdrätter fir d Koalizionsregierig mit dr Furtschrittlige Burgerbartei nominiert un no mit dr Aalobig am 30. Merz 2017 as sonige Regierigsmitglid wore. Är laitet as Regierigsrot s Minischterium fir Infrastruktur, Wirtschaft un Sport.

Persenligs[ändere | Quälltäxt bearbeite]

Dr Daniel Risch isch ghyrote mit dr Jasmina Schäfer un Vater vu zwai Chinder. Är wohnt mit syre Familie z Triese. Ab 2009 isch er näb sym Bruef au Grindigs-, Organisazionskomitee- un Patronatsmitglid bim Chunscht-, Kultur- un Musikfeschtival FL1.LIFE z Schaan gsii. Derzue isch er bis zum Regierigsyydritt 2017 Mitglid in verschidene Verwaltigs- un Ufsichtsreet z Liechtaschtaa, dr Schwyz, z Dytschland un z Eschtrych un Vorstandsmitglid bim IKT Forum Liechtaschtaa.

Weblink[ändere | Quälltäxt bearbeite]

 Commons: Daniel Risch – Sammlig vo Multimediadateie


Dä Artikel basiert uff ere fräie Übersetzig vu dere Version vum Artikel „Daniel_Risch“ vu de dütsche Wikipedia. E Liste vu de Autore un Versione isch do z finde.