Karlfrieder Elsner

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Karlfrieder Elsner (* 30. Meerz 1925 z Efrige-Chilche; † 6. Jänner 2014 z Wyyl) isch e dytsche Zaandokter un alemannische Dialäktautor gsii.

Lääbe[ändere | Quälltäxt bearbeite]

Dr Elsner isch z Efrige-Chilche ufgwachse. No dr Schuel het er an dr Universiteet Fryburg Zaanmedizin studiert. Syter anne 1954 het er z Wyyl gläbt un do 30 Joor lang e Zaandokterpraxis gfiert. Anne 1989 isch er mit 64 Joor in Ränte gange. Är isch langi Joor Mitglid vum Briefigsuuschuss vu dr IHK gsii, zytwys au as Vorsitzer. Zäme mit em Dieter Buchheimer het er z Wyyl e Stammdisch fir Zaandekter grindet go dr Uusdusch ferdere.

Fir d Weiler Zeitung het er 35 Joor lang bis 2010 unter em Pseudonym „Öbber vo Neume“ all Wuche d Mundartkolumne „Guckehuus“ gschriibe (Markgreflerisch). Är isch Mitgliid bi dr Muettersproch-Gsellschaft gsii.

Syter anne 1961 isch dr Elsner Mitgliid vu dr Naarezumft Wiler Zipfel gsii. Är het iber 50 Joor lang Täxt gschriibe fir d Zumft, unter anderem fir d Rotssuppe am Faasnetsmeendig im „Lachefass“.

In syre Freizyt het dr Elsner au Aquaräll gmoolt, vor allem mit Motiv us em Markgreflerland. Dernäbe het er Musik gmacht, het Klavier un Akkordeon gspiilt.

Är isch ghyrote gsii un het mit syre Frau zwai Chinder ghaa, e Suun un e Dochter. Am 6. Jänner 2014 het er syni Auge fir immer zuegmacht.

In eme Noochruef schrybt dr Hans Brunner 2014:

„Karlfrieder Elsner isch vor allem e echte ,,Markgräfler“ mit eme wichtige Aliige gsi. Nämlich defür z sorge, ass alti alemannischi Wörter nit verkümmere, wie au e unverfälschte Dialekt nit verlore goht. Was dr alemannische Dialekt betreffe tuet, hätt me ihn chönne as Muettersproch-Lexikon bezeichne. Über jedi Afrog het er sich gfreut und allewil e Antwort druf gwüßt. (Doch het er aber das Wort ,,war“ ghört, oder 's het öbber in Dialekt ,,Ziebele mit ie, statt Zibele gschribe, do het er scho chönne eweng chiibig werde!)“

Brunner 2014

Literatur[ändere | Quälltäxt bearbeite]

Weblink[ändere | Quälltäxt bearbeite]