Alemannisch dunkt üs guet

D Mitgliiderzitschrift vu dr Muettersproch-Gsellschaft heißt Alemannisch dunkt üs guet un wird alli halb Johr an d Mitgliider verschickt.

E halbjährig Doppelheft het als öppe hundert Sitte, diä meischte Biiträg sin uf Alemannisch; jede Autor schribt in sinere Dialäkt-Spiilart un schribt no sinere Orthographii. Dr Inhalt isch meischtens:

• e Heftthema, wu als ungfähr s erscht Drittel vum Heft iinimmt, z. B.
  • "Mundart in de Büechergschäfte" - do isch in verschiidene Buechgschäfter z Südbade un in einere z Stroßburg un z Züri nogluegt wore, was si an alemannischer Dialäktliteratür hän. (Heft III/IV 2005)
  • Alemannischi Sprich (Redensarte) wiä "Schisse un Krutthacke goht nit zemme" (Heft III/IV 2004)
• Bricht vu dr Vorstands- (= zentrale Aktivitäte)
• Nochrichte un Iischetzunge ums Alemannisch rum, wu vu gmeinem Inträssi sin
• Bricht iber d Aktivitäte vu dr Regionalgruppe (jedi Gruppe schribt fir sich)
• Bsprächunge vu Biächer, CD un andere Publikatione - im Heft III/IV 2006 isch d Alemannisch Wikipedia bsproche wore.

S Heft wird vun ere Redaktion gstaltet; lang verantwortlig isch dr Klaus Poppen gsii, ab 2006 s Friedel Scheer-Nahor. Sit 2014 git s di neiere Usgabe aü online als pdf-Version.

Lueg aü

• Elsass: D'Heimet (Zitschrift); Land un Sproch (Zitschrift)
• Schwiz: Mundart. Mitteilungsblatt des Mundartforums

Weblink

• Alemannisch dunkt üs guet: Archiv