Hochburg bi Ämmedinge
| Hochburg | ||
|---|---|---|
 Panorama vu dr Hochburg | ||
| Alternativnäme: | Hachberg | |
| Entstehigsziit: | 1127 | |
| Burgetyp: | Hecheburg | |
| Erhaltigszuestand: | Ruine | |
| Ständischi Stellig: | Grofe | |
| Ort: | Winderytti | |
| Geografischi Lag: | 48° 7′ 0″ N, 7° 54′ 2″ O | |
| ||
D Hochburg, au Hachberg gnännt, isch e Burgruine zwische Ämmedinge (Winderytti) un Säxoi im Landkreis Ämmedinge z Bade-Wirttebärg.
Noch em Heidelberger Schloss isch d Hochburg di zwotgrescht Burgaalag z Bade. D Linie vu dr Markgrofe vu Bade-Hachberg het ihre Namme vu däre Burg.
Gschicht
[ändere | Quälltäxt bearbeite]
D Burg isch wahrschyns im 11. Johrhundert vum Dietrich von Hachberg böue loo wore. Di erscht urkundli Nännig stammt us em Johr 1127.
Anne 1218 het dr Markgrof Heinrich I. vu Bade d Linie vu dr Markgrofe vu Bade-Hachberg grindet. 1415 het dr Markgrof Bernhard I. us dr badische Hauptlinie d Burg un d Herrschaft vum verschuldete Markgrof Otto II. vu Bade-Hachberg ufgchauft. D Burg het 1424 dr Chrieg vum Oberryynische Städtebund gege dr Bernhard I. iberstande. Au im Burechrieg 1525 het si standghalte.
Ab 1553 isch d Burg unter em Karl II. stark uusgwytet wore. Dr Markgrof Georg Friedrichhet d Burg um sibe Bastione ergänzt.
Im Dryssgjehrige Chrieg isch d Burg vu 1634 bis 1636 belagert wore un no dr Kapitulation vu dr Verdeidiger gschleift wore.. Ab 1660 isch si derno wider ufböue wore.
Scho 1681 sin aber d Verdeidigungsaalage vu dr Burg frejwillig wider gschlisse wore, wu d Franzoose noch em Fride vu Nimwegen ihri Herrschaft bis Fryybeg uusdehnt gha hän un d burg dr neje Nochbere e Dorn im Aug gsi isch. Des isch jetz dr aafang gsi vum ändgitlige Nidergang vu dr Aalag. Drej Johr speter het dr Brunscht dr Räscht vu dr Burg vernichtet, wu dur s Gsind fahrlässig verursacht woren isch. nomol vier Johr speter, 1688, hän franzesischi Druppe d Ruine bstetz un hän di letschte Verdeidigungswärch gsprängt.
Hitigi Nutzig
[ändere | Quälltäxt bearbeite]D Hochburg isch uffe fir Bsichtigungen. Si zellt zue dr landeseigene Monumänt un wird vu dr Yyrichtig Staatliche Schlösser und Gärten Baden-Württemberg bedrejt. Syter anne 1991 isch im Chäller vu dr Oberburg e chlei Burgmuseum yygrichtet.
Weblink
[ändere | Quälltäxt bearbeite]
Commons: Hochburg (Emmendingen) – Sammlig vo Multimediadateie
|
Dä Artikel basiert uff ere fräie Übersetzig vu dere Version vum Artikel „Hochburg_(Emmendingen)“ vu de dütsche Wikipedia. E Liste vu de Autore un Versione isch do z finde. |