Kabinett Hoegner II
S Kabinett Hoegner II isch vum 14. Dezämber 1954 bis zum 8. Oktober 1957 (bis zum 16. Oktober 1957 het s Kabinett no d Gschäft wytergfiert) d Staatsregierig vum Freistaat Bayern gsii. Drotz ass bi dr Wahl zum 3. Bayerische Landdag am 28. Novämber 1954 d CSU (83 Sitz) mit dytligem Abstand vor dr SPD (61 Sitz) sterkschti Chraft im Landdag woren isch, het dr Wilhelm Hoegner e SPD-gfierti Viererkoalizion mit dr Barteie chenne bilde, wu im Landdag verdrätte gsii sin: Bayernbartei (BP), Gsamtdytsche Block/Bund vu dr Haimetverdribene un Enträchtete (GB/BHE) un FDP. D Viererkoalizion het 121 vu dr 204 Sitz im Landdag ghaa. No dr Bundesdagswahl am 15. Septämber 1957 het d CSU erscht dr GB/BHE, no au d Bayernpartei zum Uusdritt us dr Koalizion chenne bringe. Dr Minischterbresidänt Hoegner isch am 8. Oktober 1957 vu sym Amt zruggdrätte un Noofolger vu sym Kabinett isch am 16. Oktober 1957 s Kabinett Seidel I wore.
S Kabinett Hoegner II isch bishär di ainzig Regierig in dr Noochriegsgschicht vu Bayern, wu nit vu dr CSU gfiert woren isch.
| Amt | Name | Bartei | Staatssekreter |
|---|---|---|---|
| Minischterbresidänt | Wilhelm Hoegner | SPD | Albrecht Haas (Laiter vu dr Staatskanzlei) |
| Stellverdrätter vum Minischterbresidänt | Joseph Baumgartner | BP | – |
| Landwirtschaft un Forscht | Erich Simmel | ||
| Inners | August Geislhöringer | BP | Ernst Vetter |
| Juschtiz | Fritz Koch | SPD | Kurt Eilles |
| Finanze | Friedrich Zietsch | SPD | Joseph Panholzer |
| Wirtschaft un Verchehr | Otto Bezold | FDP | Willi Guthsmuths |
| Unterricht un Kultus | August Rucker | parteilos | Hans Meinzolt |
| Arbet un Soziali Firsorg | Walter Stain | GB/BHE | Karl Weishäupl |
Literatur[ändere | Quälltäxt bearbeite]
- Peter Jakob Kock: Der Bayerische Landtag. Eine Chronik. Hrsg. vom Bayerischen Landtag. 7. aktualisierte Auflage. München 2016 (Online)
Weblink[ändere | Quälltäxt bearbeite]
- www.bayern.de: Kabinett Dr. Wilhelm Hoegner (1954–1957)
- Bernhard Taubenberger: Kabinett Hoegner II, 1954–1957. In: Historisches Lexikon Bayerns
Fueßnote[ändere | Quälltäxt bearbeite]
|
Dä Artikel basiert uff ere fräie Übersetzig vu dere Version vum Artikel „Kabinett_Hoegner_II“ vu de dütsche Wikipedia. E Liste vu de Autore un Versione isch do z finde. |