Die Bayrischi Staatsregierig

Die Bayrischi Staatskanzlei, Münche

Die Bayrischi Staatsregierig isch im politische Süsteem vo Bayre isch d Regierig bzw. die oobersti Exekutiivbhörde vom Freistaat Bayre. Si bestoot us em Bayrische Ministerbresidänt und bis zu 17 Staatsminister und Staatssekretäär. Die aktuelle Regierig isch s Kabinett Söder II.

Sit em 12. Oktober 2018 is d Regierig vo dr CSU und de Freije Weeler (churz FW) under em Ministerbresidänt Markus Söder (CSU) im Amt. Es isch die äinzigi Regierig in Dütschland wo die Freije Weeler drbii mitmache.

Rächtligi Grundlaage

Noch em Abschnitt Vier vom erste Hauptdäil vo dr Bayrische Verfassig bestoot s Kabinett us eme Ministerbresidänt und bis zu 17 Staatsminister und Staatssekretäär.

Dr Ministerbresidänt wird vom Bayrische Landdaag gweelt und liist d Staatsminister und d Staatssekretäär us und dr Landdaag muess si bestäätige. Er bestimmt dr Gschäftsberiich oder bsundrigi Ufgoobe vo de Staatsminister, und die verwalte die noch em Ressoorbrinzip und noch de politische Richtline wo dr Ministerbresidänt bestimmt (Richtliniekompetänz) und si drfür verantwortlig. D Staatssekretäär müesse mache, was iire Staatsminister säit.

Die aktuelli Bayrischi Staatsregierig

Sit em 16. Merz 2018 isch dr Markus Söder (CSU) dr Ministerbresidänt vom Freistaat Bayre. S Kabinett Söder II bildet sit em 12. Novämber 2018 die Byerischi Staatsregierig. Das isch iiri Zsämmesetzig:

Amt	Amtsinhaber	Bardei	MdL
Ministerbräsidänt	Markus Söder	CSU	joo
Staatsminister für Wirtschaft, Landesentwicklung und Energie	Hubert Aiwanger	FW	joo
Läiter vo dr Staatskanzlei und Staatsminister für Bundesaagläägehäite und Medie	Florian Herrmann	CSU	joo
Staatsministere für Oiropaaagläägehäite und Internazionaals in dr Staatskanzlei	Melanie Huml	CSU	joo
Staatsminister vom Innere, für Sport und Integrazioon	Joachim Herrmann	CSU	joo
Staatsminister für Woone, Bau und Vercheer	Christian Bernreiter	CSU	Näi
Staatsminister vo dr Justiz	Georg Eisenreich	CSU	joo
Staatsminister für Underricht und Kultus	Michael Piazolo	FW	joo
Staatsminister für Wüsseschaft und Kunst	Markus Blume	CSU	joo
Staatsminister vo de Finanzen und für Häimet	Albert Füracker	CSU	joo
Staatsminister für Umwält und Verbruucherschutz	Thorsten Glauber	FW	joo
Staatsministere für Ernäärig, Landwirtschaft und Forst	Michaela Kaniber	CSU	joo
Staatsministere für Familie, Arbet und Soziaals	Ulrike Scharf	CSU	joo
Staatsminister für Gsundhäit und Pflääg	Klaus Holetschek	CSU	joo
Staatsministere für Digitaals	Judith Gerlach	CSU	joo
Staatssekretär im Staatsministerium für Wirtschaft, Landesentwicklig und Energii	Roland Weigert	FW	joo
Staatssekretär im Staatsministerium vom Innere, für Sport und Integrazioon	Sandro Kirchner	CSU	joo
Staatssekretärin im Staatsministerium für Underricht und Kultus	Anna Stolz	FW	joo

Kwelle

Dr Ardikel «Bayerische Staatsregierung» uf dr dütsche Wikipedia

Weblingg

• S Internetportaal vo dr Bayrische Staatsregierig
• Die Bayrische Staatsregierige sit 1945
• Youtube-Kanal