Jungi Mundart 84

Jungi Mundart 84, dailwys au Jungi Mundart 85, het e Wettbewärb fir alemannischer Dialäktliteratur vu Sidbade ghaiße, wu anne 1984 vu dr Muettersproch-Gsellschaft uusgschriibe wooren isch.

Wettbewärb

Ufgruefe woore zue däm Wettbewärb het mer im Verainsheftli Alemannisch dunkt üs guet (Heft I/II 1984), Yysändeschluss isch dr 31. Dezämber 1984 gsii. Dr „Arbeitskreis Alemannische Heimat“ im Fryburger Regierigsbresidium het dr Wettbewärb finanziäll unterstitzt.

Dailnee hän alli chenne, wu 1950 oder speter uf d Wält chuu sin un im „badisch-alemannische Biet“ gwoont het. Uusglobt wore isch dr Bryys in drei Kategorie: Prosa, Lyrik un Lied. Mer het pro Sparte zwee Bydreg chenne yyschicke, e jede Bydrag het nume zwoo Syte derfe lang syy.

In e jedere Sparte isch en eerschte, en zweete un en dritte Bryys uusgschriibe woore, dr 1. Bryys isch mit 2.500,– DM verbunde gsii, dr 2. Bryys mit 1.500,– DM un dr 3. Bryys mit 1000,– DM. Derzue het s au Feerderbryys gee.

In dr Jury sin die siibe Lyt gsii:

• Brigitte Matt-Willmatt, d Witfrau vum Hans Matt-Willmatt
• Werner O. Feißt, SWF-Färnseemoderator
• Prof. Dr. Franck
• Roland Hofmaier, alemannische Liedermacher un Mitgliid im Voorstand vu dr Muettersproch-Gsellschaft
• Gerhard Jung, Dialäktdichter un Grindigsmitgliid vu dr Muettersproch-Gsellschaft
• Klaus Poppen, dr Bresidänt vu dr Muettersproch-Gsellschaft

D Bryysverleiig isch uf dr Mitgliiderversammlig vu dr Muettersproch-Gsellschaft im Kurhuus z Ditisee gsii. D Bryysdreeger hän deert au iri Täxt vorglääse.

Bryysdreeger

Prosa

• 1. Bryys: Johannes Kaiser
• 2. Bryys: Rolf Lorenz
• 3. Bryys: Rolf Asal
• Feerderbryys: Lutz Götzmann

Lyrik

• 1. Bryys: Johannes Kaiser
• 2. Bryys: Markus Manfred Jung
• 3. Bryys: Michael Koschmider
• Feerderbryys: Michael Schneider

Lieder

• 1. Bryys: Stefan Graf
• 2. Bryys: Johannes Kaiser
• 3. Bryys: Franz Schüssele
• Feerderbryys: Wendelinus Wurth

Di bremierte Täxt sin Ändi 1985 in Alemannisch dunkt üs guet (Heft III/IV 1985) abdruckt woore.

Täxt vun eme Dail vu dr Bryysdreeger un au vu anderi Dailnämer*ne bim Wettbewäärb het dr Markus Manfred Jung anne 1987 in dr Anthology D Hailiecher im Morstadt Verlag uusegee.

Literatur

• Mundartwettbewerb „Jungi Mundart 84“. In: Alemannisch dunkt üs guet, Heft I/II 1984, S. 51
• Wettbewerb „Jungi Mundart 85“. In: Alemannisch dunkt üs guet, Heft I/II 1985, S. 24–25
• S „Jungi-Mundart-Heftli“. In: Alemannisch dunkt üs guet, Heft III/IV 1985, S. 2–28