Julia Philippi

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
d Julia Philippi

D Julia Philippi (* 18. Novämber 1962 z Naistadt an dr Wyystroß as Julia Beck) isch e dytschi Bolitikeri (CDU) un syt 2018 Mitglid vum Landdag vu Bade-Wirttebärg.

Uusbildig un Beruef[ändere | Quälltäxt bearbeite]

D Philippi het z Homburg Abitur gmacht un derno an dr Universitet Haidelbärg Chunschtgschicht, Volkswirtschaft un Romanischtik studiert. Syter anne 1992 fiert si d Galerie Julia Philippi z Dossenheim.[1]

Bolitik[ändere | Quälltäxt bearbeite]

D Philippi isch anne 1998 in d CDU yydrätte. Bi dr Kommunalwahle 2004 isch si in Gmairot vu Dossenheim gwehlt wore un au in Chraisdag vum Rhy-Necker-Chrais. Syter anne 2008isch si Stellverdrättendei Burgermaischteri z Dossenheim.

Am 1. Jänner 2018 isch si fir dr Georg Wacker, wu as Gschäftsfierer zue dr Staatlige Toto-Lotto GmbH Bade-Wirttebärg gwächslet isch[2] in Landdag vu Bade-Wirttebärg noogruckt.[3] ImLanddag isch si Mitglid im Uusschuss fir Wisseschaft, Forschig un Chunscht un im Petitionsuusschuss.

Sunschtigs Engaschmänt[ändere | Quälltäxt bearbeite]

  • Mitglid im Kuratorium vu dr Landeszentrale für politische Bildung Baden-Württemberg
  • Mitglid vu dr Jury „Radiale – Kunst im Kreis“ vum Rhy-Necker-Chrais
  • Mitglid vu dr Kummission Chunscht vu dr Gmai Dossenheim
  • Mitglid vum Ufsichtsrot vu dr Jugendeinrichtung Stift Sunnisheim gGmbH,
  • Vorsitzeri vum Heidelberger Kunstverein e. V.
  • 2. Vorsitzeri vu dr Jugendkunstschule Heidelberg/Bergstraße e. V.
  • Schatzmaischteri vum Galerieverband Rhy-Necker, Mannem.

Privats[ändere | Quälltäxt bearbeite]

Ihre Großvater vu dr Muetersyte här isch dr Otto Eichenlaub gsii, wu noch em Zweete Wältchrieg Regierigsbresidänt vum Regierigsbezirk Rhyhesse-Pfalz un Mitglid vu dr Berotende Landesversammlig vu Rhyland-Pfalz gsii isch. Ihre Mueter Monika Beck isch Abgordneti vum saarländische Landdag gsii. D Philippi isch ghyrote, het drei Chinder un läbt mit dr Familie z Dossenheim bi Haidelbärg.[3]

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Galerie Julia Philippi. Homepage, abgerufen am 28. Juni 2018.
  2. Wechsel bei der Staatlichen Toto-Lotto GmbH Baden-Württemberg. Lotto Baden-Württemberg, archiviert vom Original am 28. Juni 2018; abgerufen am 28. Juni 2018.
  3. 3,0 3,1 Galeristin Julia Philippi wird Landtagsabgeordnete. Rhein-Neckar-Zeitung, abgerufen am 28. Juni 2018.