Japhet

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Der Noah chunnt mit em Japhet, em Sem u em Ham us der Arche. Es Bild vom Julius Schnorr von Carolsfeld

Der Japhet, Jafet oder ou Japheth (hebräisch יָפֶת, latinisch Iafeth, arabisch يافث بن نوح,) isch e Person us em Tanach u us em Alte Testamänd. Är isch der zwöiti Sohn vom Noah u isch der Vater vom Magog.

Biblischi Überliiferig[ändere | Quälltäxt bearbeite]

I der Bibel het der Japhet no zwee Brüetsche. Der elter heisst Sem u der jüngere Ham. Luut der Bibel söll der Noah 500-jährig gsi sy, wo der Japhet isch uf d Wält cho. Da d Bibel aber kes einzigs mal vo Drillinge redt, we’s um die drei Söhn geit, cha’s sy, dass der Noah e chly elter isch gsi, bi der Geburt vo sym Sohn Japhet.

D Sintfluet erläbt der Japhet i der Arche zäme mit syre Frou. Nach der Sintfluet isch der Japhet Teil vo mene Zwüschefall mit sym Vater Noah. Der Noah pflanzt irgendwo e Räbbärg. Wo d Trube ryff sy, macht är Wy druus. Woner vom Wy probiert, macht ne der Alkahol psofe u so blybt der Noah blut im Zält lige. Wo der Ham das gseht, geit är los u verzellt em Japhet u em Sem dervo. Wo di beide dervo erfahre, näme si es Tuech, lege je es Ändi dervo uf ihri Schultere u loufe rückwärts i ds Zält vom Noah, um ihre Vater dermit zue zdecke. Wo der Noah dervo erfahrt, sägnet är der Japhet u der Sem u der Kanaan der Sohn vom Ham verfluecht är. Wi alt der Japhet isch woner stirbt, seit d Bibel nid. (1Mose 5-10 ELB)

D Söhn vom Japhet[ändere | Quälltäxt bearbeite]

Nach der Völkertafele vo der Bibel heisse d Söhn: (1Mose 10,2-6 ELB)

  • Gomer
  • Magog
  • Madai
  • Jawan
  • Tubal
  • Meschech
  • Tiras

Literatur[ändere | Quälltäxt bearbeite]

  • Fritz Rienecker, Gerhard Maier, Alexander Schick und Ulrich Wendel: Lexikon zur Bibel SCM R. Brockhaus, 2. Auflage, Witten 2015, ISBN 978-3-417-26550-7 Seite 572-573