Alkohol

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Die funkzionelli Grubbe vo de Alkohol isch d Hydroxygrubbe, wo blau markiert isch. R isch en Alkyl-Räst, aber Aryl-Räst, Acyl-Räst oder e Heteroatom.
Dr HOC-Bindigswinkel im ene Alkohol.

Alkohol (arabisch الكحول‎, DMG al-kuḥūl, oder الغول‎ / al-ġawl: s Allerfeinste, räini Substanz, äigentlig: fiins Antimonpulver) si chemischi Verbindige, wo äi oder meereri Hüdroxygrubbe (–O–H) häi, wo an alifatischi Choolestoffatom bunde si.[1] De Alkohol, wo vo de Alkane abgläitet si, säit mä Alkanol. Zum d Alkohol klar vo Halbacetale oder Carbonsüüre abzgränze, cha mä ergänze, ass s Choolestoffatom mit dr Hydroxygrubbe nume no mit Choolestoff- oder Wasserstoffatom daf bunde si.

Wenn d Hydroxygrubbe an e Choolestoffatom bunde isch, wo Däil vom ene aromatische Ring isch, so wärde d Verbindigen as Fenol bezäichnet. Si ghööre nit zu de Alkohol,[2][3] wil die Hydroxygrubbe analog zun ere Carboxygrubbe suur regiere.

Was mä in dr Umgangssprooch under Alkohol verstoot, isch s Ethanol, e drinkbare Alkohol mit dr Summeformle C2H6O.

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1.  Eintrag: alcohols. In: IUPAC Compendium of Chemical Terminology (the “Gold Book”). doi:10.1351/goldbook.A00204 (Version: 2.3.1).
  2. Brockhaus ABC Chemie, VEB F. A. Brockhaus Verlag, Leipzig 1965, S. 44.
  3. Alkohole. In: Römpp Online. Georg Thieme Verlag, abgrüeft am 23. Mai 2014.
Information icon.svg Dä Artikel basiert uff ere fräie Übersetzig vum Artikel „Alkohole“ vu de dütsche Wikipedia.

E Liste vu de Autore un Versione isch do z finde.