Jahrtausend

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Züridütsch (Ort)

Als Jahrtuusig oder Millennium bezeichnet mer d Zitspanne vo eintuusig Jahr.

Nach dr allgemeine Zitrechnig hät s dritte Jahrtuusig mit em 1. Januar 2001 aagfange und wird mit em 31. Dezember 3000 ufhöre (Jahrtuusigwendi). Dr Grund lit det, dass nach dere Zitrechnig au s erschte Jahrtuusig mit em 1. Januar im Jahr 1 aagfange hät und mit em 31. Dezember im Jahr 1000 ufghört hät. (Lueg au d Artikel Jahr null und Zuupfahlproblem.)

Richtet mer sich degege nach dr Astronomische Zitrechnig, so hät s dritte Jahrtuusig mit em 1. Januar 2000 aagfange und wird mit em 31. Dezember 2999 ufhöre. So isch s Jahr 2000 au zu recht (meischt unbewusst) als s „Millenniumsjahr“ gfiiret worde. Di Fiirlichkeite für das Millenniumsjahr händ – natürlich – i dr Silveschternacht vom 31. Dezember 1999 zum 1. Januar 2000 aagfange. Mathematisch betrachtet isch di "richtig" Zählwiis abhängig vom gwählte Axiom, das heisst, bim Problem, dass d Zitrechnig willkürlich gwählt wird.

Im Zahlesyschtem ended di erschte Zähner mit dr Zahl 9, di zweite Zähner fönd mit dr Zahl 10 aa. Drum hät d Zahl 10 ja auch zwei Ziffere, nämlich a dr erschte Stelle "1" für en volle Zähner und a dr zweite Stell "0" für null Einer. Entsprechend gilt das au für d Tuusiger.

Für de Jahrtuusigwechsel im Kalender wird zwar korrekt argumentiert, dass es keis Jahr null gää hät, jedoch wird verchännt, dass es im Mittelalter mehreri Kalenderreforme gää hät, wo ganzi Mönet weggfalle sind. Mit dere Argumentation hett mer de Jahrtuusigwechsel also nöd am 31. Dezember fiire dörfe, sondern erscht einigi Mönet später.

Wil das aber sehr unverschtändlich gsii wäri, isch bi de Fiire zum Jahrtuusigwechsel der "phäno-"logisch Übergang 1999–2000 gfiiret worde. (Millennium isch z Dütschland zum Wort vom Jahr 1999 gwählt worde.)

Di gliich „Problematik“ gilt au für Jahrhundert und Jahrzehnt.

I de Theologii isch s Millennium s 1000-jährige Riich, wo am Endi vo allne Tääg z erwarte sig (Offebarig vom Johannes 20)


10. 9. 8. 7. 6. 5. 4. 3. 2. 1. v. Chr. Jahrtuusige
Anderi Ziitskale
1. (1–1000) 2. (1001–2000) 3. (2001–3000)


De Kaländer, wo im dütsche Sprochruum verwändet wird, isch de Gregorianisch Kaländer.
S Datumsformat legt d Form fest, wie s Kaländerdatum und d Uhrzit dargstellt werre.
Johrtousend Johrhundert Johrzehnt Johr Monat Wuch
Tag Stund Minute Sekunde Millisekunde  
Ereignis vo me Johrzehnt
Johrzehnt vo 1290 v. Chr. bis hüt
Ereignis vo me Johrzehnt
ali Johr vun 400 v. Chr. bis hüt
Hischtorische Johrestag
ali Dage vo me Johr
D Ziträchnig (Chronology) isch d Strukturierig vo de Zit.
Mit de zitlige Entwicklig vom Universum beschäftigt sich d Kosmology.
D Erdgschicht wird durch di Historischi Geology in de Geologische Zitskala underdeilt.
Innerhalb vo de Naturgschicht undersüecht d Paläontology d Läbewese und ihri Läbesumständ.



Information icon.svg Dä Artikel basiert uff ere fräie Übersetzig vum Artikel „Jahrtausend“ vu de dütsche Wikipedia.

E Liste vu de Autore un Versione isch do z finde.