Hoheitszeiche

Us der alemannische Wikipedia, der freie Dialäkt-Enzyklopedy
Dialäkt: Züridütsch (See)
Hoheitszeiche (Schwarz-Rot-Gold Flagge) anere Uniform-Jacke vo de düütsche Schtriitchräft.
Hoheitszeiche vo dr srilankesische Polizei

Under eme Hoheitszeiche oder Hoheitssymbol verschtaht mer s Symbol zur Repräsentation vonere Schtaatshoheit.

Under Hoheitszeiche falled im allgemeine Fahne, Flagge, Wappe, Abzeiche und Dienschtsiegel. Sie repräsentiered de entschprechendi Schtaat (au wenn si vo kommunale Gebietskörperschafte gfüehrt werded) und erchläred i dr Regle s betreffendi Objekt, wo sie sich druf beziehed oder wo sie druf aabracht sind, zur rechtliche Aaglegeheit oder zum Eigetum vom jewiilige Schtaat.

Uufgrund vom Völkerrecht müend Soldate es Hoheitsabzeiche a ihrer Uniform träge.

Biischpiil: Bundesflagge, Landesflagge, Bundeswehrchrüüz, Polizeischtern

Missbruuch[ändere | Quälltäxt bearbeite]

In Düütschland chann di öffentlichi Verunglimpfig vo inländische und ussländische Hoheitszeiche mitere Freiheitsschraaf bis zu drei Jahre gmäss § 90a Abs. 1 Nr. 2 StGB gahndet werde. Ebefalls isch di unbefugti Nutzig, böswilligi Entfernig oder de Missbruuch vomene Hoheitszeiche schtrafbar.

In Öschterriich chann di öffentlichi Verunglimpfig vo Hoheitszeiche gmäss § 248 Abs. 1 StGB mitere Freiheitsschtraaf bis zu eim Jahr gahndet werde. Ebefalls isch di unbefugti Nutzig oder de Missbruuch vomene Hoheitszeiche schtrafbar.

I de USA hingege isch s Verbrenne vo dr Fahne vom Supreme Court als gschützti Meinigsfreiheit mehrfach gege Kriminalisierigsversuech vom US-Kongress verteidigt worde.

Lueg au[ändere | Quälltäxt bearbeite]

Weblink[ändere | Quälltäxt bearbeite]

 Commons: Symbols by country – Sammlig vo Multimediadateie
Bitte gib au Achtig uf dr Hiwis zue Rechtstheme!
Dä Artikel basiert uff ere fräie Übersetzig vum Artikel „Hoheitszeichen“ vu de dütsche Wikipedia. E Liste vu de Autore un Versione isch do z finde.