Hilarius (Papscht)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr hailig Hilarius, au Hilarus († 28. Februar (?) 468) isch Papscht vu 461 bis 468 gsii.

Lääbe un Wirke[ändere | Quälltäxt bearbeite]

Dr Hilarius isch vu Sardinie gsii. Är isch Erzdiakon unter em Papst Leo I. gsii un isch in sällem sym Ufdrag 449 bim Konzil vu Ephesos gsii. Dert isch mit Gwalt dr Monophysit Eutyches fir rächtglaibig erklert wore, wu nume di gettli, nit aber di mänschli Natur vu Jesus verchindet het, Dr Hilarius, wu dytli geg dr Chilchbann geg dr Flavianus vou Konstantinopel kämpft het, het mieße flichte. S Konzil vu Chalkedon (451) het dr Monophysitismus verworfe un dr Eutyches verurdailt. Noch em Yyfall vu dr Vandale z Rom 455 het dr Hilarius e Großdail vu symBsitz an Chilche un Chleschter verschänkt.

Dr Hilarius isch noch em Dod vum Leo – wahrschyns am 17. Novämber 461 – zum Papscht gwehlt un am 19. Novämber gweiht wore. Är isch am 28. Februar (?) 468 gstorbe. Noch ere andere Uffassig isch sy Pontifikat vom 13. Novämber 461 bis zum 29. Februar 468 gange. Sy Name maint ‚dr Haiter‘.

As Papscht het er d Bolitik vu sym Vorgänger furtgsetzt un het d Herrschaft vum remische Episkopat iber s sidli Gallie gforderet. Au het er dr hispanische Chilche Gsetz verordnet. Dr Liber Pontificalis pryyst en fir syni Gabe an remischi Chiklche un Chleschter. Zue sym Umgang mit dr Oschtchilche isch e Dekretale vun em erhalte, wun er Häresy din verurdailt un dr Primat vu Rom betont un d Bschliss vu dr Konzilie vu Nicäa anne 325 un Chalkedon anne 451 bstetigt het. Z Italie het er si gege d Uusbraitig vum Arianismus grichtet. In syre Amtszyt het s e Synode in dr Basilika Santa Maria Maggiore anne 465 gee. S isch di erscht remisch Synode, wu umfangrychi Dokumänt dervu erhalte blibe sin.

Sy Mahndag in dr kadolische Chilche isch dr 29. Februar.

Literatur[ändere | Quälltäxt bearbeite]

  • Friedrich Wilhelm Bautz: Hilarius. In: Biographisch-Bibliographisches Kirchenlexikon (BBKL). Band 2, Hamm 1990, ISBN 3-88309-032-8, Sp. 840.

Weblink[ändere | Quälltäxt bearbeite]

 Commons: Hilarius – Sammlig vo Multimediadateie
  • Ytrag in d Catholic Encyclopedia, Robert Appleton Company, New York 1913 (änglisch)
VorgängerAmtNachfolger
Leo der GroßePapscht
461–468
Simplicius
Information icon.svg Dä Artikel basiert uff ere fräie Übersetzig vu dere Version vum Artikel „Hilarius_(Papst)“ vu de dütsche Wikipedia.

E Liste vu de Autore un Versione isch do z finde.