Pontifikaat

Us der alemannische Wikipedia, der freie Dialäkt-Enzyklopedy

Mit Pontifikaat mäint mä hüte im Allgemäine s Amt, d Amtszit und Würde vom ene Bapst vo dr röömisch-katholische Chille.[1] S Wort chunnt vom Diddel Pontifex Maximus, wo im Alterdum dr oberst Briester vom röömische Staatskult dräit het und wo die röömische Kaiser noch dr Christianisierig vom Röömische Riich em Bischof vo Room überloo häi. Au em Amt und dr Amtszit vom ene Bischof säit mä Pontifikaat - dä isch zwaar nid e Summus Pontifex wie dr Bapst, aber bim Pontifikaalgottesdienst säi men em Pontifex.

Dr Pius IX. (1875), dr gschichtlig Bapst, wo s Pontikaat von em am lengste gsi isch: 31 Joor 8 Möönet

.

Dr latiinisch Begriff pontifex bedütet ‚Bruggebauer‘. As Diddel isch er sit dr Zit vo dr Röömische Republik für e Mitgliid vom Kollegium vo de Pontifices brucht worde. Daas Kollegium het us Briester bestande und isch ursprünglig im alte Room für d Brugg über e Tiber verantwortlig gsi und spööter het men em d Ufsicht über s ganze Religioonswääse gee. Dr ranghöggst vo deene Briester isch dr Pontifex Maximus gsi.

Im Christedum isch bis 1059 d Inthronisazioon as Aafang vom Pontifikaat definiert gsi. Sithäär foot s Pontifikaat aa, wenn d Waal aagnoo wird, bi Kandidaate ooni Bischofsweiji mit dr Bischofsweiji, wo diräkt drnooch chunnt. Vo doo isch d Problemaatik choo, dass bi Bapstwaale vor 1059 s Pontifikaat zum Däil nit anerkennt worde isch, wenn dr Bapst vor dr Inthronisierig gstorbe isch.[2]

Dr Petrus, wo in dr christlige Dradizioon e Jünger vom Jesus und en Apostel gsi isch, gältet in dr katholische Chille as Gründer vo dr röömische Gmäind und as dr erst Bischof vo Room. Für si Ufenthalt in Room git s aber käni richdigi Bewiis.[3][4]

Kwelle[ändere | Quälltäxt bearbeite]

Dr Ardikel «Pontifikat» uf dr dütsche Wikipedia

Fuessnoote[ändere | Quälltäxt bearbeite]

  1. Elisabeth II. feiert Monarchenrekord – doch welcher Papst hat die längste Amtszeit? in: katholisch.de, 9. Septämber 2015, abgrüeft am 5. Mai 2022.
  2. Pontifikate (Papstlistenrang). Päpste. Martin Marker, archiviert vom Original am 29. April 2014; abgruefen am 25. April 2014.
  3. Rekorde und Kuriositäten aus der Geschichte. Päpste. Rheinische Post, 19. April 2005, abgruefen am 25. April 2014.
  4. Das Papstamt und seine Geschichte. Ist der römische Bischof Nachfolger des Petrus? Karl Heinz Ohlig, 8. Juli 2007, archiviert vom Original am 8. Juli 2007; abgruefen am 25. April 2014.