Hadrian I.

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Hadrian I. († 25. Dezämber 795 z Rom) isch vum 1. Februar 772 bis zue sym Dod Papscht gsii.

Lääbe un Wirke[ändere | Quälltäxt bearbeite]

Dr Hadrian sich dur dr Papscht Stephan III. zum Diakon ordiniert wore. Är wird as Kardinaldiakon vu dr Regio vu Santa Maria z Via Lata aagsää.

Im Kampf geg dr Langobardechenig Desiderius, wun er dr Wunscht uusgschlaa het, em Karlmann sy Sihn zue Chenig z salbe, het si dr Hadrian I. an dr fränkisch Herrscher Karl dr Groß gwändet, wu dr Desiderius zum Ruggzug zwunge het. Wu dr Karl dr Groß an dr Oschtere 774 uf Rom chuu isch, het er s vu sym Vater Pippin gegeniber em Papscht Stephan II. gsait Schänkigsverspräche erneiert. Anne 787 hän em Hadrian syni Druppe Terracina eroberet, wu bis dert zum byzantinische Dukat vu Neapel ghert het – dr eerscht päpschtli Aagriffschrieg.[1]

Theologisch isch s Pontifikat vum Hadrian wichtig, wel unter ihm anne 787 uf em Zwaite Konzil vu Nicäa d Bilderverehrig wider zuegloo woren isch, wu 754 uf Druck vum oschtremische Chaiser Leo III. verdammt woren isch. Im Frankerych het si ders aber nit chenne dursetze: Dr Karl der Große het d Konzilsbschliss, wu aber nume in schlächte Ibersetzige vorgläge sin, vu dr Synod vu Frankfurt anne 794 verwärfe loo. Uf Bitte vum Karl em Große het dr Hadrian anne 795 s Bischtum Köln zum Erzbischtum glupft.

Sy Pontifikat vu fascht 24 Johr isch rund 1000 Johr lang, bis zum Pius VI. (1775–1799), s lengscht vu dr Gschicht gsii.

Fueßnote[ändere | Quälltäxt bearbeite]

  1. Matthias Becher: Karl der Große. C.H. Beck, München 2014, S. 79.

Literatur[ändere | Quälltäxt bearbeite]

  • Florian Hartmann: Hadrian I. (772–795). Frühmittelalterliches Adelspapsttum und die Lösung Roms vom byzantinischen Kaiser (= Päpste und Papsttum. Bd. 34). Hiersemann, Stuttgart 2006, ISBN 3-7772-0608-3.
  • Rudolf Schieffer: Hadrian I.. In: Lexikon des Mittelalters (LexMA). Band 4, Artemis & Winkler, Münche/Züri 1989, ISBN 3-7608-8904-2, Sp. 1821–1822.
  • Friedrich Wilhelm Bautz: Hadrian I. In: Biographisch-Bibliographisches Kirchenlexikon (BBKL). Band 2, Hamm 1990, ISBN 3-88309-032-8, Sp. 425.

Weblink[ändere | Quälltäxt bearbeite]

 Commons: Hadrian I – Sammlig vo Multimediadateie
VorgängerAmtNachfolger
Stephan III.Papscht
772–795
Leo III.
Information icon.svg Dä Artikel basiert uff ere fräie Übersetzig vu dere Version vum Artikel „Hadrian_I.“ vu de dütsche Wikipedia. E Liste vu de Autore un Versione isch do z finde.