Hürrlingè

47.7222222222228.2833333333333737

Hürrlingen Gmeind Üülingè-Birchèdorf
Wappe vo Hürrlingen
Dialekt:	Alemannisch
Hauptvariante:	Hochalemannisch
Regionalvariante:	Südschwarzwälderisch
Höchi:	737 m
Flechi:	6,42 km²
Iiwohner:	218
Bevölkerigsdichti:	34 Iiwohner/km²
Iigmeindig:	1. Juli 1971
Regierigsbezirk:	Fryburg
Landchreis:	Waldshuèt
Nummereschild:	WT

Dialäkt: Südoschtschwarzwälderisch

Hürrlingè isch èn Ortsdeil vo dè Gmeind Üülingè-Birchèdorf im Landchrais Waldshuèt.

Geografy

Luftbild vom winterlichè Hürrlingè, i dè Bildmitti obbè lyt Hürrlingè. Dirèkt drunter un ènnèt dè Mettma lyt Bèrau

Hürrlingè lyt im Südschwarzwald weschtlich vom Fluss Schlüècht un öschtlich vom Fluss Mettma, im Bachdal vom Rièdèmer Dorfbach un guèt 1 km dalobsi vo Rièdè. Dè Gmeindehauptort Üülingè lyt 3 km öschtlich vo Hürrlingè, Birchèdorf lyt 4,3 km èwäg im Nordoschtè. Dè Hauptort vo dè nördlichè Nõchbòrgmeind Grõfuusè lyt 4,8 km nordweschtlich vo Hürrlingè. Schlièßlich isch Hürrlingè 12,3 km vo dè Chreisschtadt Waldshuèt èwäg in nordöschtlicher Richtung glègè.

Gschicht

Wôrend dè Säkularisation isch Hürrlingè im Johr 1803 zèrscht zum Großpriorat vom Malteserordè chò, denn unter Schwõbe-Hèrrschaft un è Johr, 1806, zum Großherzogdum Baddè chò.

Am 1. Juli 1971 hèt sich Hürrlingè als èrschtes Dorf vor dè Gmeindereform z Baddè-Württèbärg dè Vyrdälergmeind Üülingè-Birchèdorf aagschlossè.

Bolitik

Hürrlingè isch e Ortschaft noch èm Baddè-Württèbärgischè Kommunalrächt. Sällewäg hèt's e begränzti Selbschtverwaltig mit ènèm Ortschaftsròòt un èm Ortsvorschteher.

Vorein

Hürrlingè kooperyrt bi dè Vorein mit èm Gschpönli Rièdè, i dèm mò dè Narrèvorein Hü-Ri zämmè mit Rièdè gründet hèt. Hü-Ri bedütet Hürrlingè-Rièdè, dõdemit wörd durch desèll Nammè d Zämmèarbèt glych aazeigt wiè mit dè Narrèmaskè, wo us ènèm Januschopf bschtòt.

Vokeer

D K 6500 gòt als Hürrlinger Ortsdurchfaart im Rièdemer Dorfbach nõch. D K 6500 gòt nördweschtlich vo Hürrlingè uff dè Bärg uè un zwüschè Buggèrièd un Mettèbärg durrè uff Grõfuusè. Südöschtlich gòt d K 6500 öppè 1 km uff Rièdè abbè, è Stugg witer unnè gòt K 6500 bi Rièderschteeg i d Schlüèchtdalschtrõß L 157 übber. I dè Dorfmitti zwygt gu Oschtè d K 6504 ab, wo uff Üülingè gòt. Diè nägschtè Fèrnvokeersschtrõße sin d B 500, d B 314 un d B 34, vo dènnè Hürrlingè 8-12 km entfèrnt lyt. Dè nägschte Autobahn-Aaschluss isch 36 km èwäg, sèll isch d A 864 bi Donau, dè Zuèbringer zu dè Boddèsee-Autobahn. Baanaaschluss isch im Südschwarzwald traditionèll schwyrig, dè nägschte Baanhof isch z Düèngè in èm Abschtand vo 10 km a dè Hochrhybaan. Schwyrig isch sèll dõrum, well d Busvobindungè im Linnièvokeer weg dè gringè Aazaal Vobindungè vill Zit bruuchèd.

Sehenswürdigkeitè

Hürrlingè hèt è Wasserdrèttschtell, wo vo dè yheimischè Fremdèzimmervomièter baut worrè isch.

Weblinggs

• [1]