São Paulo

Dä Artikel behandlet die brasilianischi Stadt São Paulo. Für anderi Bedütige vo São Paulo lueg do

São Paulo

Wappe	Fahne
Wappe vo São Paulo	Fahne vo São Paulo
Basisdate
Bundesstaat:	São Paulo
Koordinate:	23° 30′ S, 46° 37′ W
Höchi:	795 m ü. NN
Flechi:	1.523 km² (Stadt) 7.947 km² (Metropolregion)^[1]
Iiwohner:	11.821.873 (Stadt)^[2] 19.889.559 (Metropolregion)^[3] (Stand 1. April 2009)
Bevölkerigsdichti:	7762 Iiwohner/km² (Stadt) 2502 Iiwohner/km² (Metropolregion)
Telefonvorwahl:	05511
Stadtgliiderig:	9 zonas und 31 subprefeituras
Offizielli Website:	prefeitura.sp.gov.br
Politik
Bürgermeister	Gilberto Kassab (PFL)
Lag vo der Schdadt im Bundesschdaat São Paulo

São Paulo ['sãu̯ 'pau̯lu] (portugisisch för Sankt Paulus) isch d Hauptschdat vom Bundesschdaat São Paulo und di gröschdi Stadt z Brasilie.

Überblick

D Schdat ischs wichdigschte Wirtschafts-, Finanz- und Kulturzentrum vom Land und au en Ort, wo sech sämtlechi Vercherswäg chrüze. Es het da bekannti Universitäte, Teater und Musee.

São Paulo isch s gröschde Induschtriizentrum vo Südamerika. I der Schdat sälber wohne ca. 11,82 Millione Mönsche, und mit däm drumume, also die ganzi Agglomeration Grande São Paulo öppe 19,8 Millione (Stand 1. Juli 2009). São Paulo isch öppe die füft- oder sächstgröschti Schdat vor Wält.

Sport

Z São Paulo gits e paar Fuessballverein. I de Stadt stoht s wältwit gröscht private Stadion, s Morumbi-Stadion. S hät e Kapazität vo 80'000 Zueschauer und isch de Spiilort vom FC São Paulo, wo scho sächsmol Landesmeister vo Brasilie worden isch.