Gotthilf Fischer

dr Gotthilf Fischer (2006)

Dr Gerhard Albert Gotthilf Fischer (* 11. Februar 1928 z Blochenga; † 11. Dezämber 2020 z Waistadt) isch e dytsche Choorlaiter gsii, wu mer dur di vu ihm grindetet Fischer-Cheer chännt.

Lääbe

Dr Fischer isch e Suhn vun eme Zimmermaischter gsii, wu in syre Freizyt vyl Musik gmacht ghaa het. Eso isch er frie mit Musik Kontakt chuu. No dr Volksschuel in sym Haimetort Deizisau isch dr Fischer vu 1942 bis 1945 uf d Lehrerbildigsaaschtalt z Esslenga gange.

Noch em Zweete Wältchrieg isch dr Fischer Laiter vum Concordia-Gsangsverain z Deizisau wore. Anne 1949 isch sy Choor unter syre Laitig bim große Schwebische Sängerfescht z Geppenga d Wettbewärb in Volks- un Chunschtgsang gwunne. Dur där Erfolg isch er in dr Region bekannt wore. In dr Folg hän si anderi Gsangsverain unter syre Laitig gsammlet. Die Dailcheer bilde di sognännte Fischer-Cheer.

Nääbe syne musikalische Erfolg het dr Autodidakt Fischer, wu nie ne formali musikalischi Uusbildig gmacht ghaa het, au als furt wirtschaftligi Erfolg ghaa. Dr Fischer het s guet verstande, si in Szene z setze. Ain vu dr Hegschtpinkt vu syre Laufbahn isch dr Ufdritt vu dr Fischer-Cheer mit wyt iber 1000 Sänger*ne bim Abschluss vu dr Fueßball-Wältmaischterschaft 1974 gsii. Wälttournee hän en uf Rom oder in d USA zum Bresidänt Carter gfiert. Syn schwebische Landsmann Wolle Kriwanek het d Gschäftstüchtigkait vum Fischer im Lied Wir singen für Millionen karikiert.

Drotz ass er ender em volksdimlige Schlager zuezorne gsii isch, het dr Fischer aber au as 72-jehrige anne 2000 bi dr Berliner Loveparade mitgmacht. Wu d Loveparade 2004 abgsait woren isch, het er aabote, ass si z Stuegert durgfiert wird.

Dr Gotthilf Fischer isch Initiator un Moderator vu dr ARD-Färnsehraie Straße der Lieder gsii, wu am 16. Februar 2008 no 12-jehriger Laufzyt yygstellt wore isch.

Am 6. Mai 2008 het mer dr Fischer in dr Sändig Bully sucht die starken Männer chenne sää, dr Castingshow fir d Neiverfilmig vu dr Chinderserie Wickie und die starken Männer. Dert het er di vier Kandidate, wu fir d Roll vum „Ulme“ kandidiert ghaa hän, im Gsang giebt.

Dr Fischer het z Waistadt in dr Nechi vu Stuegrt gläbt. Am 26. Dezämber 2008 isch sy Frau Hildegard im Alter vu 89 Johr no langer Chranket an dr Folge vun eme Schlag gstorbe. S Baar isch syter 1949 ghyrote gsii. Dr Gotthilf Fischer isch am 11. Dezämber 2020 im Alter vu 92 Johr z Waistadt gstorbe.

Ehrige un Uuszaichnige

E Hufe vu syne Schallblattenufnahme sin im Lauf vu dr Johr mit guldine Schallblatte uuszaichnet wore. Dr Chorlaiter het unter anderem 1974 d Hermann-Löns-Medaille un dr Guldinge Globus iberchuu, 1975 e Ehreleeb vu Radio Luxemburg, s gulde Mikrofon un di erscht guldi Schallblatte. 1977 het er s Bundesverdienschtchryz am Band un 1982 fir bsunderi Verdienscht um s dytsch Volkslied s Bundesverdienschtchryz I. Klass iberchuu. 1993 het er au d Verdienschtmedaille vum Land Bade-Wirttebärg kriegt. 1998 het en di dytsch Klavier-Induschtry zum Klavierspiler vum Johr ernännt, drotz ass dr Fischer nie ne lengeri oder professionälli Klavieruusbildig gmacht het oder si as Pianischt dur Yyspilige oder Ufdritt e Name gmacht ghaa het. E kritisch Dokumentarfilm-Porträt het em 1993 dr Rudolf Werner gwidmet mit Friede, Freude, Fischer (SWR, 60 Minute, Erschtsändig in dr ARD am 11. Februar 1986). Fir sy Yysatz fir dr Friide het dr Gotthilf Fischer dr 1. Wältfridesbrys 2006 vu dr Internationale Chorolympiade kriegt. Die Uuszaichnig isch em am 28. Dezämber 2006 z Stuegert dur dr Altbundesbresidänt Walter Scheel, em Ehrebresidänt vum Forum vu dr Chorolympiade, ibergee wore. Am 23. Juni 2007 het er z Lãẽfälda-Ächderdeng s bis dert grescht Gitarrenensemble vu dr Wält mit iber 1802 Gitarrischte dirigiert, was em en Yydrag ins Guinnessbuech vu dr Rekord brocht het. Am 12. Jänner 2008 isch em z Chemnitz bi dr Färnsehgala vum MDR d Chrone vu dr Volksmusik 2008 fir sy Läbeswärch ibergee wore. Fir syni Yysätz noch em Amoklauf z Wennenda, wun er iber zwelf Mol zuegunschte vu dr Stiftig gege Gwalt an Schuele ufdrätten isch, isch er 2010 vum Ferderverain vu dr Stiftig zum Ehremitglid ernännt wore. Am 24. Oktober 2017 isch dr Gotthilf Fischer fir 70 Johr Tonufnahme vu syre Blattefirma 7us media group z Stuetgert gehrt wore, wun er syter 2007 syni Lieder vereffetligt het. E Impala-Award in Gold fir iber 15 000 000 Stream un Download vu syre Ufnahm "Freude schöner Götterfunken", zur Europawahl 2019 au as "European Hymn" vereffetligt, het dr Gotthilf Fischer am 24. Juli 2019 z Ludwigsburg us dr Hand vum EU-Kummissar Günther Oettinger kriegt.

Im fränkische Wilhermsdorf, wun er dr Verain Bund zum Erhalt des deutschen Liedguts ins Läbe gruefe het, isch em Gotthilf Fischer e Café un e Museum gwidmet.

Anne 2011 het dr Parragon Verlag Köln e ufwändig gstalteti Biografy unter em Titel "Mein Leben – meine Lieder" uusegee.

Uusgläseni Albe

• 1972: Schön ist es auf der Welt zu sein. Mit Roy Black & Anita
• 1974: Das große Spiel
• 1975: Mit Musik geht alles besser
• 1975: Die schönsten Melodien
• 1976: Großer Gott, wir loben Dich
• 1977: Die schönsten Volkslieder
• 1977: Die 20 größten Erfolge
• 1977: Weihnachten mit den Fischer-Chören
• 1979: Opernmelodien, wie wir sie lieben
• 1980: Robert Stolz Welterfolge
• 1982: Gotthilf Fischer: Das große Jahreskonzert Fischer Chöre
• 1986: Freu’ dich der Dinge, lebe und singe
• 1987: Musik kennt keine Grenzen
• 1987: Ein Platz an der Sonne – Lasst uns singen
• 1987: Singen ist die Antwort
• 1988: Singen ist die Antwort (Album zur ARD-Sendung Fischer Chöre)
• 1989: Singe wem Gesang gegeben
• 1989: Heimatmelodie
• 1990: Wir wollen Tore sehn – Die schönsten Lieder der Fußballwelt
• 1991: Deutschland, deine Hymnen – Die heimlichen Nationalhymnen der 16 Bundesländer
• 1991: Goldene Herzen
• 1991: Die Goldene Eins
• 1991: Lieder so schön wie Baden-Württemberg – Die schönsten Lieder aus der SAT 1-Sendung Wir in Baden-Württemberg
• 1992: Die goldenen Hits der Volksmusik
• 1991: Deutschland – Deine Lieder
• 1993: In uns’rer Hand liegt uns’re Erde
• 1993: Straße der Lieder
• 1995: Straße der Lieder 1
• 1997: Die Zwei von Deizisau: Walter Weitmann und Gotthilf Fischer
• 1997: Straße der Lieder – Die Pfalz
• 1997: Straße der Lieder – Am Neckar
• 2002: Meisterstücke
• 2002: Die schönsten Melodien aus „Straße der Lieder“
• 2003: Jubiläumsausgabe – 75 Jahre Gotthilf Fischer
• 2004: Das Beste von Gotthilf Fischer und seinen Chören aus „Straße der Lieder“

Weblink

 Commons: Gotthilf Fischer – Sammlig vo Multimediadateie

• Gotthilf Fischer in dr Internet Movie Database
• www.gotthilf-fischer.de
• http://beta.musikwoche.de/details/442268

Fueßnote

Dä Artikel basiert uff ere fräie Übersetzig vu dere Version vum Artikel „Gotthilf_Fischer“ vu de dütsche Wikipedia. E Liste vu de Autore un Versione isch do z finde.