Gottfried Honegger

dr Gottfried Honegger (1995)

Dr Gottfried Honegger (* 12. Juni 1917 z Züri; † 17. Jänner 2016 ebedert) isch e Schwyzer Grafiker, Moler un Plaschtiker gsii.

Läbe

Dr Gottfried Honegger isch anne 1917 z Züri uf d Wält chuu. As Chind het er e Zytlang z Sent im Bündnerland gläbt. Ab 1938 het er as Wärbegrafiker gschafft. Bi me dreijehrige Ufenthalt z New York City het er si anne 1958 entschlosse, ass er wett as freie Chinschtler schaffe. Vu 1960 ab het er z Paris, z Cannes un z Züri gläbt un gschafft. Im Jänner 2016 isch er z Züri gstorbe. Är isch mit dr Schwyzer Illuschtratori Warja Lavater ghyrote gsii.

Uuszaichnigen un Ehrige

Anne 1987 het dr Honegger dr Zürcher Chunschtbryys iberchuu. Dur dr franzesisch Kultusminischter Jack Lang isch er mit em Ordre des Arts et des Lettres uuszaichnet wore. Syter anne 1999 isch er Mitglid vu dr Ehrelegion gsii.

Dr Max Frisch, wu mit em Honegger fryndschaftli verbunde gsii isch, het em sy Theaterstuck Triptychon gwidmet.

Wärch

Dr Honegger isch e Verdrätter vu dr konschtruktiv-konkrete Chunscht gsii. Syt Mitti 1960er Johr het er Skulpturen un Wärch fir dr effetli Ruum gschaffe. Doderzue zellt zem Byschpel d Inschtallation «Culur» vu anne 1997. Si bstoht us nyyn Metallsyylen in dr Rägebogefarben uf dr Hochwasser-Schutzmuur bi Orden/Maloja, e zehnti Syyle stoht bim Bildigs- un Feriezäntrum Salecina. Dr Honegger het iber des Wärch gsait: «Die Arbeit hier in Maloja ist für mich so etwas wie eine Symbiose zwischen dem Schönen, dem Liebevollen an sich und dem Bemühen, unseren Augen etwas zu bieten, was zum Denken anregt, was uns zur Gemeinschaft verpflichtet. Der Dialog zwischen einer gewaltigen Natur, einer nützlichen Technik und dem Geistigen der Kunst scheint mir hier eine ideale Verbindung eingegangen zu sein.»

Anderi Arbete em effetli Ruum vun em stehn unter anderem bi dr ETH Züri (Volume 18, 1968, un Struktur 28, 1970), z Vaduz (Division, 1989, un Monoform 29, 1991), uf eme Verchehrschraisel z Bad Ragaz (Etude Pliage, 1999), im Skulpturepark Haidelberg (Gelben Pliage C115, 2001) un uf eme Verchehrschraisel z Hohenems (2005).

Dr Honegger isch 1987 Mitgrinder vu dr „Stiftung für Konstruktive und Konkrete Kunst Zürich“ gsii. Zämme mit dr Sybil Albers-Barrier het er 1990 z Mouans-Sartoux an dr franzesische Côte d’Azur dr Espace de l’Art Concret (Ruum vu dr konkrete Chunscht) grindet, anne 1997 het er dert s Chinderatelier Art, Recherche, Imagination (Chunscht, Forschig, Imagination) yygrichtet. Fir d Schänkig Donation Albers-Honegger hän d Architäkte Gigon un Guyer dert e 2004 yygweite Museumsbäu l'espace de l'Art Concret gschaffe.

• 
  Inschtallation «Culur» bi Maloja
• 
  Inschtallation «Culur» bi Salecina
• 
  «Monoform 29», Vaduz
• 
  «Etude Pliage», Haidelberg

Uusgläseni Ainzeluusstellige

Hiiweis: zue dr Uustellige mit eme «K» git s e Katalog.

• 1984: Bilder und Skulpturen aus verschiedenen Jahren. Kunsthaus Zug ^K
• 1992: Retrospektive. Stiftung für Konkrete Kunst, Reidlenga ^K
• 1999: Métamorphose. Fondation Cartier, Paris
• 2001: Trotzallem. Eine Rückschau. Kunstmuseum Liechtenstein, Vaduz ^K
• 2004: Farbige Metall-Stelen. Museum Tinguely, Basel
• 2007: Haus Konstruktiv, Stiftung für konstruktive und konkrete Kunst, Zürich (zue sym 90. Geburtsdag)
• 2007: Arbeiten im öffentlichen Raum. ETH Züri ^K
• 2007: Geheimnis der Geometrie. Museum Liner Appenzell ^K
• 2009/2010: Kunst als gesellschaftlicher Auftrag. Otten Kunstraum, Hohenems ^K
• 2015: Peintre en Séries. Centre Georges-Pompidou, Paris ^K

Wärche in Museä

• Neue Galerie Kassel

Uusgläseni Publikatione

• Cercle et Carré. (Kreis und Quadrat.) Mit Texten von Gottfried Honegger, Dorothea van der Koelen, Gabriele Kübler. Dokumente unserer Zeit, Band XIV. (Dytsch, änglisch, franzesisch.) Mainz 1990, ISBN 3-926663-14-6.
• Vom Bild zum Raum. Mit Texten von Gottfried Honegger, Martin van der Koelen u. a. (Dytsch, änglisch, franzesisch.) Dokumente unserer Zeit, Band XXI. Mainz 1997, ISBN 3-926663-21-9.
• Kunst ist eine Frucht vom Baume der Erkenntnis. Mainz 2000, ISBN 3-931876-34-9.
• Gottfried Honegger – Eine Werkschau. Bilder, Reliefs, Skulpturen, Ausstellung 8. April - 23. Juni 2000 Galerie Neher Essen, in Zusammenarbeit mit der Galerie am Lindenplatz, Vaduz, Liechtenstein, mit einem Text von Gottfried Honegger, Essen 2000
• Erfundenes und Erlebtes. Mit einem Vorwort von Dorothea van der Koelen. Mainz 2002, ISBN 3-931876-43-8.
• Max Frisch. Elf Porträtskizzen. Vierzehn Texte zur Erinnerung. Hotz, Steinhausen 2007, ISBN 978-3-9522964-9-3.

Literatur

• Michael Gnehm (Hrsg.): Gottfried Honegger. Arbeiten im öffentlichen Raum. gta, Zürich 2007, ISBN 978-3-85676-207-0.
• Emil Schwarz: Jeder könnte ein Künstler sein, Hommage à Gottfried Honegger. Eine dichterische Zeitreise mit dem Essay Vom Elementaren der Kunst. NAP, Zürich 2009, ISBN 978-3-9521434-7-6.

Film

• Gottfried Honegger – Zeichen setzen und Welt gestalten. Vum Emil Schwarz (Regie), em Rafael Koller (Kamera), em Raoul Meier (Schnitt) un em Roman Meyer (Produktion), in Zämmenarbet mit em Haus Konstruktiv Zürich un em Museum Liner Appenzell. DVD, www.nap.ch, Zürich 2007.
• Gottfried Honegger – on doit construire le monde. Färnseh-Dokumentarfilm vum Roman Meyer, 2010.
• Werdet kreativ. Aktion Volkskunst in Flühli Sörenberg. DVD 24 Min / www.nap.ch.
• Für eine schöne Welt. Filmporträt von Erich Langjahr.
• Gottfried Honegger – 8 Reflexionen zur Aufklärung der Kunst. DVD, NAP Verlag, Zürich

Weblink

 Commons: Gottfried Honegger – Sammlig vo Multimediadateie

• Serge Lemoine: Honegger, Gottfried. In: Sikart (Lexikon un Datebank zue dr Chunscht in dr Schwyz un im Firschtetum Liechtestei).
• Biografy bi dr Gmai Sent
• Gottfried Honegger bi kunstaspekte.de
• Gottfried Honegger bi artnet
• Texte zu Honegger bim Hörfunk Ö1 im Novämber 2010
• Gottfried Honegger zu seiner „Aktion Volkskunst“ bi Radio DRS2 am 6. Jänner 2011.
• Honeggers „Espace de l'Art Concret“ (franzesisch)

Fueßnote

Dä Artikel basiert uff ere fräie Übersetzig vu dere Version vum Artikel „Gottfried_Honegger“ vu de dütsche Wikipedia. E Liste vu de Autore un Versione isch do z finde.