Chunschtmuseum Liachtaastaa
 s Chunstmuseum Liechtenstein z Vaduz (2015) | |
| Date | |
|---|---|
| Ort | Vaduz |
| Archidekt | Morger & Degelo un Christian Kerez |
| Eröffnig | 12. Novämber 2000 |
| Bedriiber | Stiftig Chunschtmuseum Liachtaschtaa |
| Leitig | Friedemann Malsch |
| Website | kunstmuseum.li |
S Chunstmuseum Liachtaschtaa isch s staatli Museum fir modäärni un zytgnessischi Chunscht z Vaduz. Dr modäärn Museumsböu vu dr Schwyzer Architäkte Morger & Degelo un Christian Kerez isch anne 2000 ufgmacht woore. Di wiichtig Sammlig vu internationaler modäärner un zytgnessischer Chunscht isch glyychzytig au di staatli Chunschtsammlig vum Fiirschtedumm Liachtaschtaa. As Erwyterig vum Chunschtmuseum isch Ändi Mai 2015 s nei Uusstelligsgebei vu dr Hilti Art Foundation ufgmacht woore;
Gschiicht[ändere | Quälltäxt bearbeite]
Anne1967 het s Land Liachtaschtaa as Gschänk zee Gmääld iberchuu. Des isch dr Aaloss fir d Grindig vu dr Liachtaschtaanische Chunschtsammlig im Joor druf gsii. Eerschte Kunservator vu dr Sammlig isch dr Georg Malin gsii, en liachtaschtaansiche Chinschtler, Hischtooriker un Chunschthischtoriker. Är het bal druf as Biet vu dr Staatlige Sammlig di internazionaal modäärn un zytgnessisch Chunscht definiert.
Di hitgi Presäntazioon isch ere Gruppe vu privaate Stifter z verdanke. Zäme mit dr Regierig vum Fiirschteduum Liachtaschtaa un dr Gmai Vaduz hän si s modäärn Museumsgebei realisiert.
Im Augschte 2000 isch dr Böu em Land Liachtaschtaa as Millenniumsgschänk ibergee woore, wu fir dr Bedriib un d Fierig vum Museum di effetli-räächtli «Stiftung Kunstmuseum Liechtenstein» grindet het. Am 12. Novämber 2000 isch s Museum ufgmacht woore.
Syter 1996 isch Friedemann Malsch Diräkter vu dr Liachtaschtaanische Staatlige Chunschtsammlig bzw. vum Chunschtmuseum Liachtaschtaa.
Anne 2015 isch s Chunschtmuseum um s Uusstelligsgebei vu dr Hilti Art Foundation erwyteret woore. Die liachtaschtaanisch Privaatsammlig umfasst Wäärch vu dr klassische Modäärni un dr Geegewartschunscht.
Architäktuur[ändere | Quälltäxt bearbeite]
Im Novämber 2000 isch s Chunschtmuseum Liachtaschtaa vum Architäkteteam Meinrad Morger un Heinrich Degelo mit em Christian Kerez ufgmacht woore. Im Mai 2015 isch as Erwyterig s vu Morger Partner Architäkte (Meinrad Morger un Fortunat Dettli) entwoorfe Uusstelluisgebei vu dr Hilti Art Foundation fertiggstellt woore.
Dr zuenig Böu isch e Black Box us schwaarz yygfäärbtem Zemänt un schwaarzem Basaltstai. Yygschlosseni Flusschiisel vu dr Ussehut vum Gebei stelle ne Bezuug zue dr Landschaft vum Rhyydaal häär. Lang zoogeni Fänschterbänder oorne si em satte Böu unter un mache dr schwäärz Wiirfel uf vu inne un vu usse.. Segs Uusstelligssääl sin um zwoo geegelaifigi Stääge aagoornet. D Grundrissyydailig, Windmiilinefliigel glyych, erlaubt diagonaali Duurblick dur dr gsamt Böu.
Dr fimfsteckig, kuubisch Neiböu, wu d Uusstelligsryym vu dr Hilti Art Foundation din sin, stoot frei diräkt näb em Hauptgebei vum Chunschtmuseum. D Fassaad bstoot in dr Hauptsach us wysse, brochene Zueschlaagstoff wie Laaser Marmor un Flusschiis un us zemänt. Zue dr Uusstelligsryym vu dr Hilti Art Foundation chunt mer iber s Foyer vum Chunschtmuseum. Iber e Stääge chunt dr Bsuecher in e dräächterfeermige Uusstelligsruum im Untergschoss. Di zwee andere Uusstelligsryym im zweet un vierte Stock wääre iber e liechtdurfluetet Stäägehuus erschlosse.
Sammlig[ändere | Quälltäxt bearbeite]
D Sammlig vu intrnazionaaler modäärner un zytgnessischer Chunscht umfasst dr Zytruum vum 19. Joorhundert bis in d Geegewaart. S Profiil bstimme vor allem Skulptuure, Objäkt un Inschtallazioone. E bsunderi Stellig näme Wäärch vu Chinschtler vu dr Arte Povera yy. S Chunschtmuseum Liachtaschtaa verwaltet derzue dr Nooloss vum André Thomkins.
Anne 2006 het s Museum zäme mit em Chunschtmuseum St. Galle un em Museum fir Modäärni Chunscht Frankfurt (MMK) di chunschthischtoorisch wiichtig Sammlig vum Kölner Galerischt Rolf Ricke gchauft, unter anderem mit Wäärch vum Richard Artschwager, em Bill Bollinger, em Donald Judd, em Fabián Marcaccio, em Steven Parrino, em David Reed, em Richard Serra, em Keith Sonnier un dr Jessica Stockholder.
Uusstellige[ändere | Quälltäxt bearbeite]
In dr letschte Joor sin unter anderem Ainzeluusstellige zaigt woore vu Kimsooja, Bertrand Lavier, Charlotte Moth, Gary Kuehn, Saâdane Afif, Kiki Smith, Otto Freundlich, Gottfried Honegger, Leiko Ikemura, Rita McBride, Paul Klee, Jochen Gerz, André Thomkins, František Kupka, Andy Warhol, Fabián Marcaccio, Alighiero Boetti, Fred Sandback, Georg Malin, Sean Scully, Matts Leiderstam, Ferdinand Nigg, Jannis Kounellis, Monika Sosnowska, Joseph Beuys, Herbert Zangs, Thomas Schütte, Kasimir Malewitsch, Martin Frommelt, Matti Braun, Christian Boltanski, Gotthard Graubner, Bill Bollinger, Bojan Šarčević, Günter Fruhtrunk un Rütjer Rühle.
Wiichtigi Gruppenuusstellige sin unter anderem «Who pays», «Gorgona», «Lens-Based Sculpture » «Das innere Befinden», «Migration», «Faites vos jeux! Kunst und Spiel seit Dada», «Auszeit. Kunst und Nachhaltigkeit», «Lust for Life. Die Sammlung Ricke», «Knockin’ on Heaven’s Door», «Die Moderne als Ruine. Eine Archäologie der Gegenwart», «Che fare. Arte povera. Die historischen Jahre» un «Beispiel Schweiz. Entgrenzungen und Passagen als Kunst» gsii.
Weblink[ändere | Quälltäxt bearbeite]
Commons: Chunschtmuseum Liachtaschtaa – Sammlig vo Multimediadateie- Offiziälli Websyte
- Joachim Batlner: Kunstmuseum Liechtenstein. In: Historischs Lexikon vom Förschtatum Liachtastaa.
Koordinate: 47° 8′ 21,5″ N, 9° 31′ 21,1″ O; CH1903: 758064 / 223024
|
Dä Artikel basiert uff ere fräie Übersetzig vu <!Kunstmuseum_Liechtenstein&oldid=186676771 dere Version vum Artikel „[[:de:<!Kunstmuseum_Liechtenstein|<!Kunstmuseum_Liechtenstein]]“ vu de dütsche Wikipedia. E Liste vu de Autore un Versione isch <!Kunstmuseum_Liechtenstein&action=history do z finde. |