Balthasar Zimmermann

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Balz Zimmermann uf emene Foti vo dr ETH-Biblioteek

Dr Balthasar Zimermaa (* 13. Februar 1895 z Schwändi im Kanton Glarus; † 13. Oktober 1937 z Züri) isch e Schwiizer Pilot, Undernäämer, Aviatikpionier und Politiker gsi.

s Läben und s Schaffe[ändere | Quälltäxt bearbeite]

Dr Balthasar Zimermaa isch dr Soon vom Friedrich Zimermaa und vo dr Salome geb. Luchsinger gsi. Er het d Schuel vo Schiers bsuecht und am Poly z Züri Mathematik und Füsik studiert. Ane 1929 het er d Anna Schindler vo Brysech ghürootet.

Im Erschte Wältchrieg isch er Milidäärpilot gsi und drno Instrukter vo dr Schwiizer Milidäärflügerei.

1926 isch er dr Diräkter vo dr nöie Flüüggselschaft Balair z Basel gsi. Die het sech 1931 mit dr Zürcher Konkuränz, dr chlynere Ad Astra Aero zämetoo, und do druus isch d Swissair woorde, wo iri Flugzüüg am Afang uf em Flughafe Dübedorf gha het. Dr Zimermaa isch zeerscht dere ire chaufmännisch Diräkter gsi, und wo si Koleeg, dr technisch Diräkter Walter Mittelholzer 1937 gstorben isch, isch bim Zimermaa die ganzi Läitig vo dere Firma gsi.

Dr Zimermaa het sech guet mit em Gottlieb Duttweiler vrstande, si sind ane 1935 in Nazionalroot gwäält worde, und drufabe sind si go die nöji Partei Landesring vo den Unabhängige gründe, d LdU. Aber scho 1937 isch dr Zimermaa vo sym politischen Amt zruggträtte und churz drufabe im Alter vo nume 42 Joor wägen ere Chranket gstoorbe.

Literatur[ändere | Quälltäxt bearbeite]

  • Susanne Peter-Kubli: Balthasar Zimmermann In: Historisches Lexikon vo dr Schwiiz.
  • Sechs Schweizer Flugpioniere: Henri Dufaux, Armand Dufaux, Oskar Bider, Alfred Comte, Walter Mittelholzer, Balz Zimmermann. Verein für Wirtschaftshistorische Studien (Hrsg.), Meilen 1987.
  • Benedikt Meyer: Im Flug. Schweizer Airlines und ihre Passagiere, 1919–2002. Chronos, Zürich 2014, ISBN 978-3-0340-1238-6.