Gabriele Reich-Gutjahr

Dialäkt: Undermarkgreflerisch

D Gabriele Reich-Gutjahr (* 30. Juli 1957 z Stuegert) isch e dytschi Bolitikeri (FDP). Si isch vu 2016 bis 2021 Mitglid vum Landdag vu Bade-Wirttebärg gsii.

Lääbe un Uusbildig

D Reich-Gutjahr isch z Reemshalde uf d Volksschuel gange un derno z Waistadt uf s Gimnasium, wu si s Abitur gmacht het. Vu 1976 bis 1982 het si an dr Ludwig-Maximilian-Universitet Minche Volkswirtschaftslehr, Bolitikwisseschaft, Kommunikationswisseschaft un Effetli Rächt studiert. Vu 1983 bis 2008 het si bi dr Robert Bosch GmbH gschafft, in verschidene Positione un Beraich, u. a. Elektrowärchzyg, Automotive, Telekommunikation, Zäntrale. Syter anne 2008 isch d Reich-Gutjahr Gschäftsfierendi Gsellschafteri vu dr ASKESIS GmbH & Co. KG z Stuegert. D Gabriele Reich-Gutjahr isch evangelisch un ghyrote.

Bolitik

Syter anne 2008 isch d Reich-Gutjahr Mitglid bi dr FDP. Vu 2009 bis 2014 isch si Regionalreti im Verband Region Stuegert gsii. Vu Juli 2014 bis Mai 2021 isch si Vorsitzeri vu dr FDP-Stadtgruppe Degerloch/Hoffeld gsii un ab Merz 2015 Bysitzeri im Vorstand vum FDP-Chraisverband Stuegert. Syt Mai 2021 isch si Vorsitzeri vum FDP-Chraisverband Stuegert. Si isch Mitglid im Liberale Mittelstand Bade-Wirttebärg e. V. un bi dr Liberale Fraue Bade-Wirttebärg.

Bi dr Landdagswahl 2016 isch si iber e Zwaitmandat im Wahlchrais Stuegert II in 16. Landdag gwehlt wore. Im Landdag isch si Mitglid im Uusschuss fir Umwält, Klima un Energywirtschaft un im Uusschuss fir Wirtschaft, Arbet un Wohnigsböu gsii. Derzue isch si stellverdrättend Mitglid im Ständige Uusschuss, im Uusschuss fir Inners, Digitalisierig un Migration, im Uusschuss fir Sozials un Integration, im Uusschuss fir Verchehr un im Uusschuss fir Europa un Internationals gsii.

Bi dr Landdagswahl 2021 isch d Reich-Gutjahr nimi aadrätte.

Sunschtigs Engaschmänt

• Mitglid im Hochschuelrot vu dr HfG Schwäbisch Gmünd (2000 bis 2009)
• Mitglid im Kuratorium vu dr Hochschuel Konschtanz (bis 2014)
• Mitglid im Verband deutscher Unternehmerinnen e. V. (VdU)
• Mitglid im European Women’s Management Development International e. V. (syt 1989), vu 1998 bis 2002 Vorsitzeri vu dr EWMD Deutschland
• Mitglid in dr American Chamber of Commerce in Germany e. V.
• Mitglid vu Baden-Württemberg: Connected e. V.
• Mitglid im MTV Stuttgart 1843 e. V. (syt 1984)
• Mitglied im Degerlocher Frauenkreis e. V.

Weblink

• Interview mit dr Gabriele Reich-Gutjahr, Stuttgarter Zeitung vom 14.6.16