Gabriela Suter

Us der alemannische Wikipedia, der freie Dialäkt-Enzyklopedy

D Gabriela Suter (* 1972 z Aarau) isch e Schwiizer Lehrerin und Politikerin.

ires Lääbe[ändere | Quälltäxt bearbeite]

D Gabriela Suter isch i dr Regioon vo Länzbrg ufgwachse. Si het Gschicht und Germanistik a dr Uni Züri studiert und d Usbildig fürs Lehramt für Middelschuele gmacht. Drno isch si Gimilehrerin a dr Alte Kanti Aarau gsi und jetz schaffet si mit em Master Public Management als Personalscheffin und Projektläiterin. Woone tuet si z Aarau.

D Suter politisiert bi dr SP. Si isch Ywoonerröötin z Aarau gsi und 2017 het me sen in Aargauer Groossroot gwählt. Si isch sit 2018 d Presidäntin vo dr SP Aargau und ghört au zu dr Gschäftsläitig vo dr SP Schwiiz.

Bi dr Wahl vo dr Bundesvrsamlig 2019 isch si in Nazionalroot choo.