Göri Klainguti

De Göri Klainguti isch en Maler und Schriftsteller us Samade im Kanton Graubünde.

Läbe

De Göri Klainguti isch am 1. Augschte 1945 z Pontresina gebore und au döt ufgwachse. Er isch mit de Seraina verhürated, won vor de Hochzit Famos ghäisse häd. Si händ zäme zwäi Chind.

Nach em Gimnasium z Schiers hät er a de Universität Züri gstudiert und als Sekundarlehrer abgschlosse. Er häd als Lehrer z Samade und dänn als Reallehrer z Zuez gschaffet. Näbet sinere Arbet häd er no gmalet und uf Oberengadinerromanisch (Putèr) gschribe. Sit 1990 isch er Maler und Schriftsteller z Samade. Vo 2009 bis 2016 isch er zäme mit sinere Tochter Sidonia Klainguti Redakter vom Chalender Ladin gsi.

Schrifte

• Gian Sulvèr. Lavin, 1977.
• Gian Sulvèr ; frei und holperig vom Roman. ins Deutsche übers. durch den Autor. Chur, 1978.
• Rimas e disegns. Zuoz, 1979.
• Bastuns da skis. Lavin, 1983
• Adam da Chamues-ch : text per il gö liber a La Punt-Chamues-ch / da Florian Grand e Göri Klainguti. La Punt, 1985.
• Linard Lum : set raquints criminels. Schlarigna, 1988.
• Lum le dédective et son auteur : nouvelles ; trad. du romanche par Marie-Christine Gateau-Brachard. Vivis, 2002.
• Oulipo. Cuira, 2004.
• Fagot cun raschladüras : raquints e cumponimaints. Schlarigna, 2004.
• L'ü. Schlarigna, 2005.
• Storie brevi ; introd. e trad. dal romanico di Walter Rosselli, Bellenz, 2015
• Ün pêr baschattas da Marchet Culaischem. Schlarigna, 2016.
• Marcel Dupond e i gemelli crimionali : romanzo ; traduzione di Walter Rosselli. Mendrisio, 2016.
• Na, ogets nu discuorran! Chuira, 2019.

Schuelbüecher

• Clamaints : cudesch da lectüra per las scoulas superiuras ladinas / [red.: Jacques Guidon, Göri Klainguti, Chasper Pult, ]. Cuoira, 1985/1990.
• Cuors da rumauntsch ladin (puter) / tenor il "Curs da rumantsch grischun" da Gieri Menzli ; adatt. in puter da Göri Klainguti ; ill. da Simon Jacomet. Cuira, 1988.

Übersetzige uf Putèr (Uswal)

• Chasper Po: Gedicht (1996)
• Rotchäppli (1987)

Weblink

• Bestseller gegen den Zeitgeist: Romanische Volkskalender, SRF Schnabelweid, 29. Dezämber 2016

Quällenagabe

• Noss-auturs Churzbiografi uf de Siite vom romanische Färnse.
• Göri Klainguti im Katalog vo de Landesbibliothek z Bärn