Blasius
| Dialäkt: Baseldütsch |
Dr Blasius (äigetli Felix Burckhardt; * 18. Juni 1906 z Langebrugg; † 13. Oktober 1992 z Baasel) isch in dr zwäite Helfti vom 20. Joorhundert dr Baasler Stadtpoet gsi. Er het humorvolli Mundartgedicht über Baasel gschriibe und isch berüemt gsi für sini gäistriiche Fasnachtszettel und Schnitzelbängg.
Si Lääbe[ändere | Quälltäxt bearbeite]
Dr Felix Burckhardt isch 1906 z Langebrugg uf d Wält ko. Er isch z Baasel uf s Gymnasium und het denn z Baasel, z Gämf und z Münche Rächt studiert. Denn het er z Baasel as Notar und Apfikaat gschafft. 1935 het er d Esther Elisabeth Schmid ghürootet.[1] Er isch Sekretär vo dr Medizinische Gsellschaft Baasel worde und spööter vo dr Schwizerische Kräbsliga. Für sis Angaaschemang für d Medizin het er 1974 dr Eeredoggterditel vo dr Uniwersidäät Baasel griegt. Er isch au Bresidänt vo dr Allgemäine Lääsigsellschaft gsi, Vizebresidänt vo dr Sparkasse Baasel und isch im Verwaltigsroots vom Baasler Stadttheater gsässe.[2]
1954 het er as Blasius dr Gedichtband «Soll i oder soll i nit» uusegee, wo Gedicht drus im Sinerzyt uf em DRS Muusigwälle vorglääse worde si.[2]
Dr Felix Burckhardt isch am 13. Oktober 1992 gstorbe.[1]
E baar vo sine Wärk[ändere | Quälltäxt bearbeite]
- Vorwiegend heiter, Basel, 1949
- Kleine Stadtmusik, Basel, 1951
- Soll i oder soll i nit, Basel, 1954
- Verzell du das em Fährimaa!, Basel, 1955
- Spritzfährtli, Basel, 1958
- I bin e Bebbi, Basel, 1967
- Der Till vo Basel, Basel, 1972
- Haimlifaiss, Basel, 1984
- Der Basler und sy Wält, Basel, 1986
Weblingg[ändere | Quälltäxt bearbeite]
- Burckhardt, Felix im Basler Literarische Archiv
Fuessnoote[ändere | Quälltäxt bearbeite]
- ↑ 1,0 1,1 Felix Burckhardt, der Basler Stadtpoet Blasius uf altbasel.ch, abgrüeft am 4. Juni 2014
- ↑ 2,0 2,1 Basler Stadtpoet Blasius mit «Vor em Spiegel» (Site cha nüme abgrüeft wärde; Suche im Webarchiv)