Erwin Nievergelt

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Erwin Nievergelt (* 29. April 1929 z Züri; † 4. Augschte 2018 z Spanie[1]) isch e Schwyzer Ekonom, Wirtschaftsinformatiker un Schachspiiler gsii.

Lääbe[ändere | Quälltäxt bearbeite]

Dr Erwin Nievergelt het Mathematik studiert un isch 1957 an dr Universitet Züri mit dr Dissertation „Die Rangkorrelation U“ zum Dr. phil. promoviert wore. Är het vu 1969 bis 1970 as Privatdozänt fir Operations Research an dr Universitet Basel glehrt. Anne 1971 het er e Ruef uf d Profässur fir Allgemeine Betriebswirtschaftslehre, insbesondere mit Berücksichtigung der elektronischen Datenverarbeitung und des Informationswesens an d Universitet St. Galle iberchuu. 1984 isch er uf aigene Wunsch uf e nääbenamtligi, usserordeligi Profässur fir Informatik gwächslet. Parallel het er si in dr Wirtschaft fir Prognostächnike bi Devisekirs mit neuronale Netzwärch un Chinschtliger Intelligänz engaschiert.[1]

Mer chännt dr Nievergelt international au as Schachspiiler, in dr 1950er un 1960er Johr het er dr Schwyzer Nationalmannschaft aaghert. Mit däre isch er Dailnämer vu dr Schacholympiade 1954 z n Amsterdam un 1958 z Minche gsii[2]. Bim Clare Benedict Cup, wu 1954 z Züri uusdraitr woren isch, isch er hinter em Lothar Schmid, aber vor em Max Euwe uf dr zweet Blatz chuu. Är isch Grinder vum Schachverain „Nimzowitsch“ z Züri gsii isch fimfmol Schwyzer Mannschaftsmaischter wore. 1957 isch er Schwyzer Vizemaischter wore.[3]

Derzue het er si as Pianischt uusbilde loo uf d Stapfle „Konzertreife“. As Pensionär isch er aktive Triathlet gsii. Är het im spanische Calp gläbt.[3] Är isch ghyrote gsii un het Chinder ghaa.[1]

Literatur[ändere | Quälltäxt bearbeite]

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. 1,0 1,1 1,2 Traueranzeige Erwin Nievergelt, NZZ vum 11./14. Augschte 2018.
  2. OlimpBase :: Men's Chess Olympiads :: Erwin Nievergelt. In: OlimpBase. Abgrüeft am 2018-08-16. (englisch)
  3. 3,0 3,1 Karl Hofer: Licht und Schatten an der weissen Küste, NZZ vum 20. Jänner 2007.
  4. Richard Foster: Zwischen Emotion und Talent. In: NZZ vom 2. Dezember 2005.
Information icon.svg Dä Artikel basiert uff ere fräie Übersetzig vu dere Version vum Artikel „Erwin_Nievergelt“ vu de dütsche Wikipedia.

E Liste vu de Autore un Versione isch do z finde.