Rychèbachviadukt
Koordinate: 48° 12′ 52″ N, 8° 13′ 51″ O
| Rychèbachviadukt z Hornbärg | ||
|---|---|---|
 | ||
| Brucht as | Schwarzwaldbaan | |
| Überfüerig über | Rychèbachdal | |
| Ort | Hornbärg | |
| Im Stand ghalte vo | DB Netz AG | |
| Konstrukzioon | Gwölbebrugg | |
| Gsamtlengi | 150 m | |
| Zaal vo de Bööge | 7 | |
| Grössti Stützwiti | je 14,5 m | |
| Hööchi | 24 m | |
| Bauchöste | 1,8 Mio. Rychsmark | |
| Aafang vom Baue | 1924 | |
| Fertig worde | 1925 | |
| Lage | ||
| ||
Dè Rychèbachviadukt isch è Viadukt a dè Schwarzwaldbaan, wo vo 1924 bis 1925 baut worrè isch un s Dal vum Rychèbach öschtlichè Rand vo dè Hornbärger Innèschtadt. S isch dè einzige Viadukt uff dè Schwarzwaldbaan.
Dèsèll Viadukt isch 150 m lang, 24 m hoch un hèt sibbè Bögè vo je 14,50 m lichter Witti, wo uff sechs Pfyler un zwei mächtigè Widderlager ufflyt. S Viadukt bschtòt us öppè 14.000 m³ Bedong un isch mit öppè 3800 m³ Granitschtai vokleidet. Durch dè Bau isch è aalti zweigleisigi Staalbrugg, wo zwǜschè 1869 un 1871 baut worrè isch, ersetzt worrè. D Staalbrugg hèt barallelgurtigi Fachwärchdräger ghaa un isch mit Staipfyler gschtützt worrè. Mit èm Viadukt hèt mò è drittes Gleis übber d Brugg volait un hèt dõdemit d Nordweschtyfaart vum Bhf. Hornbärg s Guètachdal öppè 200 m durab volegè chönnè un glychzitig d Baanhofsgleis z Hornbärg volängèrè chönnè. Diè alti Staalbrugg hèt bim zuènämmendè Vokeer un bim Ysatz vo schwèrèrè Dampfloks nǜmmi mithaltè un sèllèwäg ersetzt wörrè müèsè. Dè Ersatz vu Staalbruggè mit bedonyrtè Viadukt, wo mit Stai vokleidèt sin, isch z. B. au bi dè Ravennabrugg a dè Höllèdalbaan durrègfüürt worrè.
Hützdaag (Stand: Auguscht 2019) isch dè Faarblaan vo dè Dütschè Baan uff dè Schwarzwaldbaan so uusglait, daß es uff èm Rychèbachviadukt zuè nèrè Zugchrützung vo dè Züüg gu Huusè un gu Sanderge chunnt. Sèll isch vomuètlich schu länger so gmacht, well sèllè Vorgang uff èrè Infodaflè am südweschtlichè Eggè vom Hornbärger Schloß beschribbè wörd. S Pendant zuè sèllèrè Zügchrützung isch im St. Gorgèner Baanhof am Scheitelpungt vo dè Schwarzwaldbaan-Bärgschtrèggi.
Weblinggs
[ändere | Quälltäxt bearbeite]
Commons: Eisenbahnviadukt Hornberg – Sammlig vo MultimediadateieLiteradur
[ändere | Quälltäxt bearbeite]- Wilhelm Keim: Der Umbau des Hornberger Talübergangs bei km 42,3 der Schwarzwaldbahn. Im: Die Bautechnik, 5. Johrgang, Heft 12 (18. März 1927), S. 141–161
- Das einzige Viadukt der badischen Schwarzwaldbahn. In: Dè Ysèbaaingenieur. Nr. 1, 2014, S. 82.
|
Dä Artikel basiert uff ere fräie Übersetzig vum Artikel „Eisenbahnviadukt_Hornberg“ vu de dütsche Wikipedia. E Liste vu de Autore un Versione isch do z finde. |