Eidgenössische Volksinitiative «gegen die Abzockerei»

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Di Eidgenössischi Volksiniziativä «gägä d‘Abzockerei» (au «Abzocker-Iniziativä» oder «Minder-Iniziativä» gnännt) isch än eidgenössischi Volksiniziativä, wo 2005 vom Thomas Minder lanciert wordän isch. Dr Minder isch en Unternähmer us em Kanton Schaffhuusä, wo sit 2011 au Ständerat isch . D‘Iniziative isch ä Reaktion uf Vergüätigä vo äinzälnä Manager in grossä Schwyzär Untärnämä und Bankä gsy, wo mä als exorbitant empfundä hät. Us dä Sicht vo dä Iniziantä händ diä glychzitig di wältwyti Finanzkrisä ab 2007 mitverursacht und s’wältwyti Finanzsischtem in Gfaar bracht. D’Iniziativä isch am 3. März 2013 zur Abschtimmig choo und tüütlich aagnoo wordä.

Inhalt[ändere | Quälltäxt bearbeite]

D’Iniziativä bezwäckt s’Verbot vo Abgangsentschädigungä und Voruszaligä für Verwaltigsröt vo börsäkotiärtä Untärnämä, äs Verbot vom Organ- und Depotschtimmrächt und verlangt, dass d’Pensionskassä im Sinn vo irnä Mitglidär a dä Generalversammlig abschtimmä müänd. Glichzytig forderät si di jährlichi Waal vom Verwaltigsratspräsidänt und vo dä äinzälne Verwaltigsratsmitglidär dur d’Aktionär und verlangt d’Ifüärig vo dä elektronischä Fernabschtimmig.

Iniziativtext[1][ändere | Quälltäxt bearbeite]

I

D‘Bundesverfassig vom 18. April 1999 wird wi folgt geändäret:

Art. 95 Abs. 3 (noi)

3 Zum Schutz vo dä Volkswirtschaft, vom Privateigentum und vo dä Aktionärinne und Aktionär sowiä im Sinn vonärä nachhaltigä Untärnähmäsfüärig reglät s Gesetz di im In- oder Usland kotiärte eidgenössischä Aktiägesellschaftä nach folgendä Grundsätz:

a. D’Generalversammlig stimmt jährlich über d’Gsamtsummä vo allnä Vergüätigä (Gäld und Wert vo dä Sachleischtigä) vom Verwaltigsrat, dä Gschäftsleitig und äm Byrat ab. Sie wählt jährlich d‘Verwaltigsratspräsidentin oder dä Verwaltigssratspräsident und einzeln d‘Mitglidär vom Verwaltigsrat und vom Vergüätigsuuschuss sowiä di unabhängigi Schtimmrächsechtsverträterin oder dä unabhängig Schtimmrächtsverträtär. D‘Pensionskassä schtimmäd im Intärässä vo irne Versichäräte ab und legäd offä, wiä si gschtimmt händ. D’Aktionärinnä und Aktionär chönd elektronisch fernabschtimmä; d‘Organ- und Depotschtimmrächtsverträtig ischt verbotä.

b. D‘Organmitglidär bechömäd ä käi Abgangs- oder andäri Entschädigung, käi Vergütig im Voruus, käi Prämiä für Firmenchäuf und -verchäuf und ä käin zusätzlichä Berater- oder Arbätsvertrag vonärä andärä Gsellschaft vo dä Gruppä. D’Füärig vo dä Gsellschaft cha nöd an ä juristischi Person delegiärt werdä.

c. D‘Schtatutä regläd d’Höchi vo dä Kredit, Darlehä und Räntä a d’Organmitglidär, iri Erfolgs- und Betäiligungsplän und d’Aazal Mandat ussärhalb vom Konzern sowiä d’Duur vo dä Arbätsverträg vo dä Gschäftsläitigsmitglidär.

d. Ä Widerhandlig gägä d’Beschtimmigä nach Buächschtabe a-c wird mit ärä Freihäitsschtraf vo bis zu drüü Jaar odär änärä Gäldschtraf vo bis zu sächs Jahräsvergüätigä beschtraft.

II

D’Übärgangsbeschtimmigä vo dä Bundesverfassig werdäd wiä folgt ergänzt:

Art. 197 Ziffer 8 (noi)

8. Übärgangsbeschtimmig zum Artikäl 95 Absatz 3

Bis zum Inchraftträtä vo dä gsetzlichä Beschtimmigä erlaat dä Bundäsrat innärhalb vomänä Jaar nach dä Aanam vom Artikel 95 Absatz 3 durchs Volk und d'Schtänd di erfordärlichä Uusfüärigsbeschtimmigä.

Geschicht[ändere | Quälltäxt bearbeite]

Am Aafang vom 21. Jahrhundärt isch äs i dä wältwyt tätigä Grossunternemä zu al wytumä als übärtribä empfundänä Entlöhnigä vo dä Manager i Form vo Vergüätigä und Abfindigä cho, währänd iri Unternemä oft Verlüscht gschribä händ. 2005 hät dä Schaffhuusär Chiluntärnemer Thomas Minder di Eidgenössischi Volksiniziativä gägä d’Abzockerei lanciärt, wo schläisslich am 26. Februar 2008 mit 118'583 beglaubigtä Untärschriftä ygräicht wordän isch.[2]


Abschtimmigsergebnis[ändere | Quälltäxt bearbeite]

Abzockerinitiative – vorloifigi amtlichi Ändergebnis[3]
Kanton Ja (%) Nein (%) Beteiligung (%)
Aargau Wappen Aargau matt.svg Aargou 66,8 % 33,2 % 44,4 %
Appenzell Ausserrhoden Wappen Appenzell Ausserrhoden matt.svg Appezäll Osserode 66,3 % 33,7 % 51,8 %
Appenzell Innerrhoden Wappen Appenzell Innerrhoden matt.svg Appezöll Inneroode 61,0 % 39,0 % 41,9 %
Basel Landschaft Coat of arms of Kanton Basel-Landschaft.svg Baselbiät 67,5 % 32,5 % 44,5 %
Basel Stadt Wappen Basel-Stadt matt.svg Basel-Stadt 67,3 % 32,7 % 49,4 %
Bern Wappen Bern matt.svg Bärn 70,3 % 29,7 % 42,8 %
Freiburg Wappen Freiburg matt.svg Frybùrg 70,3 % 29,7 % 44,5 %
Genf Wappen Genf matt.svg Gänf 67,7 % 32,3 % 46,5 %
Glarus Wappen Glarus matt.svg Glaris 69,6 % 30,4 % 36,1 %
Graubunden Wappen Graubünden matt.svg Graubünda 65,5 % 34,5 % 56,2 %
Jura Wappen Jura matt.svg Jura 77,1 % 22,9 % 40,6 %
Luzern Wappen Luzern matt.svg Lozärn 66,3 % 33,7 % 46,2 %
Neuenburg Wappen Neuenburg matt.svg Nöieburg 71,9 % 28,1 % 41,7 %
Nidwalden Wappen Nidwalden matt.svg Nidwaudä 57,7 % 42,3 % 49,0 %
Obwalden Wappen Obwalden matt.svg Obwaldä 56,1 % 43,9 % 51,6 %
Schaffhausen Wappen Schaffhausen matt.svg Schaffhuuse 75,9 % 24,1 % 64,9 %
Schwyz Wappen des Kantons Schwyz.svg Schwyz 60,8 % 39,2 % 49,2 %
Solothurn Wappen Solothurn matt.svg Soledurn 67,9 % 32,1 % 48,6 %
St Gallen Coat of arms of canton of St. Gallen.svg Sanggale 66,4 % 33,6 % 44,0 %
Tessin Wappen Tessin matt.svg Tessin 70,7 % 29,3 % 41,5 %
Thurgau Wappen Thurgau matt.svg Thurgau 70,5 % 29,5 % 43,1 %
Uri Wappen Uri matt.svg Uri 64,3 % 35,7 % 41,4 %
Waadt Wappen Waadt matt.svg Waadt 66,5 % 33,5 % 41,4 %
Wallis Wappen Wallis matt.svg Wallis 63,7 % 36,3 % 67,8 %
Zug Wappen Zug matt.svg Zoog 58,2 % 41,8 % 51,9 %
Zurich Wappen Zürich matt.svg Züri 70,2 % 29,8 % 47,0 %
Eidgenössisches Wappen ÜÜÜSchwyzärischi Eidgenossäschaft 67,9 % 32,1 % 46,0 %

Weblinks[ändere | Quälltäxt bearbeite]

Fussnoten[ändere | Quälltäxt bearbeite]

  1. Dä Text vo dä Eidgenössischä Volksiniziativä 'gägä d‘Abzockärei' uf dä Website vom Bund (admin.ch)
  2. Iniziativkomitee «gägä d‘Abzockerei»: Iräichig «gägä d‘Abzockerei». 26. Februar 2008
  3. Vorlage Nr. 568 - vorläufige amtliche Endergebnisse. Bundeskanzlei, 2013-03-03. Abgrüeft am 2013-03-03.