Drüländeregg

Es Drüländeregg – au Länderdrüegg gnennt – isch en geografische Punkt, wo drü gliichrangigi Gränze zäme chömed. Es isch en Gränzpunkt, wo drü gliichgaarteti Territorie (Staate, Gliidstaate, Verwaltigsaihaite etc.) ufenand treffid. Bekannt sind söttegi Drüländeregge dänn, wänn si scho längeri Zit existiere oder aber, wenn döt drü Kulture ufenand treffid. Mängmol isch di säb Stell dur di jewilige Staatsflagge oder dor es Monument markiert. E Stell, wo me as drü Länder zäme chömed gits nu theoretisch im Meer usse. Innerhalb vo Staat, uf Ebeni vo de Gliidstaate oder Verwaltigsainhaite, gits Gränzpünkt, wo me as drü Gebiet anenand chömid.

s Drüländeregg CH-DE-FR am Rhiihafe vo Basel

Wält

Vo de 195 (Stand 2015) Staate uf de Wält, wo vo de UNO anerkannt sind, händ 135 en asige Gränzpunkt. Total gits 159 söttegi Drüländeregg, e paar devo sind uf em Land, uf eme Bärg, in ere Flussmündig oder im ene See usse. D Volksrepublik China hät mit 16 Länderdrüegg am maischte – Russland, de flächemässig gröschti Staat vo de Wält, hät nu 10 asegi Gränzpünkt.

Europa

Öschtriich hät a sinnere Gränze nüü Drüländeregge und dodemit am maischte z Europa, Dütschland hät sibe, d Schwiz sächs, und Liechtestai hät zwomol äs Länderdrüegg.

Luge au

• Dreyeckland
• Radio Dreyeckland
• DreyEcker
• Drüländerbrugg

Weblink

 Commons: Drüländeregge – Sammlig vo Multimediadateie

• Dreiländerecke uf dieweltenbummler.de